رسالة: T-S 13J19.20

رسالة T-S 13J19.20

بيانات التعريف

علامة الرف
T-S 13J19.20

What's in the PGP

  • صورة
  • 1 Transcription

الوصف

Letter from Yeshua b. Isma’il al-Makhmuri from Alexandria to Nahray b. Nissim, Fustat. August 12, 1062. Information that the writer heard from Jewish merchants that came to Alexandria from Sicily, regarding the situation in Palermo and the news about the passing of Nissim b. Ya’aqov. The writer expresses his sorrow for the latter. Also a complaint about an unknown person, Ta’ib, a slave or official, which does not work. (Information from Gil, Kingdom, Vol. 3, #312) VMR

Additional metadata

Collection
Cambridge University Library, Taylor-Schechter
Historical shelfmarks
TS Box 13 J 19, fol. 20; TS 13 J 19, fol. 20; TS 13 J 19, f. 20; TS Box 13 J 19, f. 20
تاريخ الإدخال
In PGP since 2017
صورة
النصوص المفرّغة
الترجمة

T-S 13J19.20 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

  1. כתאבי אטאל אללה בקא מולאי אלשיך ואדאם עזה ותאידה ונעמתה מן אסכנדריה

  2. לד כלון מן אלול ערפה אללה ברכתה וסעאדה מא יליה ברחמתה ואלחאל סלאמה פי

  3. אלגסם ומגמה פי אלנפס ואללה אלמשכור עלי כל אלאחואל כי הוא אמר ויהי ודלך

  4. בעד וצול כתאבה אעאנה אללה וכאן לי מדה טוילה לם נרא מנה כתאב ולא כבר פאשגל

  5. דלך קלבי אלי אן וצל כתאבה ביד סרור אלפיג ועלמת סלאמתה אדאמהא אללה ושכרתה

  6. תעאלי עלי אפצאלה ומא דכרה מן מגמה אלא וענדנא מתלהא אללה תעאלי יסתרינו

  7. האלים בסתר כנפיו ואל ישב עמנו בדין פהדה צרות רבות ואעטם מא וצל אלי

  8. קלבי מא אעלמה בה והו וצול מרכב בן מגאהד מן מאזר בעהד יז יום ופיה

  9. גמאעה מן אצחאבנא אנדלסין מנהם אבו יעקב יוסף אלדי צהרה חסאן במצר וכאן

  10. וצולה יום אלגמעה ראש חד פלם יתפק להם אלנזול אלא אמס יום אלאחד פמצית

  11. אליהם וסאלתהם ען אכבאר צקליה פדכרו אכבאר צקליה פדכרו אכבאר צאלחה ואמור מסתויה ואן

  12. בן אלתמנה קתל ואסתוא אלבלד פלמא כאן פי יומי הדא גאני מ יצחק ביר עאבד

  13. דכר לי ענהם אמר מישום //אשר כל שומעה תצלנה אזניו// פאנסאני מא כנת עליה מן שגל אלסר פקלת [          ] הצרות

  14. משכחות זו את זו והו ופאת רבנא נסים זל פמצית אלי יהוד [ערפוני] אנהם במאזר

  15. אלא אן וצלו קום מן אלמהדיה מן אצחאבנא ודכרו אנה דפנ[ן] יום אלגומעה באל

  16. מהדיה פענד דלך שקת תובי וכלות מדאסי וצרחתי במר [נפשי

  17. משומם //ודומה למי שמת [עליו          ]// ודמוע תדמע ות[זיל] עיני דמעה על נר ישר כי [כבה         ]

  18. כי נדכה אפס חסיד מן הארץ וישר באדם אין על זאת אספדה ואילילה

  19. ואקונן ביום ובלילה כי אין לנו תעלה ואין מי יחוס לחומלה עד ישקיף משמים [ורב]

  20. עלילה ויחון וירחימה על שארית יונה תמה ואקול קבל דא ברוך דיין אמת כי כל משפטיו

  21. צדק ואמת אין להרהר אחר מדותיו בריך שאין בדינו עולה פמא אמרה מן כאס ומא

  22. אשדהא מן מגמה מי יתן מותי תחתיו אכן אח לא פדה יפדה איש וג צדיק יי בכל דרכיו

  23. וחסיד בכל מעשיו אסאלה תעאלי יראה בעניינו ואל ירא את עונינו ויחון וירחם על שארית

  24. עמו אמן ומא דכרה מן אמר ברהון פקד אוקפתה עלי כתאבה וטלבת מנה אלחסאב

  25. פקאל נעם נדפעה לך ואנא אלאזמה פי דלך ואן כאן פמא כפי ענה מעאמלתה כיף

  26. הי ואנה טויל אלרוח כתיר ואלדי כנת דפעת לה אנא קד אסתופיתה מנה ולם יבק לי מנה

  27. סוי דרהמין וקד גמני אמר אלאנטאע לו כננא בענאהא מי דלך אלוקת כאן כיר מן אבקאהא

  28. לכן לא חילה לעל לא יגפל ען שרף [פי] אלטלב אן הדאו אלנאס אן שא אללה ונחב יגתמע בטייב ויקבח

  29. עליה מא פעל מעי ואני לם נעאמלה בקביח והדה כתב מולאה תצל אלי באלוציה ואן כאן תחת ראיי ולא

  30. יפארקני אלא אן אכתרת אנא אנפאדה לאבו ציר או לגירהא וקד קטע ביי פי מתל הדא אלוקת

  31. ארדתה כאן

recto - right margin

  1. תקוי אלנפס

  2. באללה תעאלי ובה

  3. וקד יאמולאי

  4. גאנא הדא אלאמר

  5. והדה אלצרות פי

  6. וקת חאגתנא

  7. לאן למא תפרגת

  8. מן אלנקץ וארדת

  9. אלכרוג וקע הדא

  10. אלאמר פכל מן

  11. נקול לה ונסאלה

  12. מן דלך יקול אחמד

  13. אללה אלדי לם

  14. ילחקך הדא

  15. ואנת פי אלריף

  16. פמא כאן תכלץ

  17. לאן אלנאס אוכלו

  18. פי כל מוצע

  19. פהדו מא בקלבי

  20. קליל ואן כאן

  21. רזק קד פרג

  22. מנה לכן אל

  23. אנסאן חריץ

  24. ו/א/עטי אלאגתהאד

  25. פלעל ירגע

  26. וינכסר ואן

  27. קדר ינחדר

  28. אליי אלי פוה או אלי

  29. מליג לעל יסאהל

  30. אללה באלכלאץ פעל

  31. עלי קדר עלי דלך

  32. ומא נחתאג נאכד

  33. עלי מולאי פי שי

  34. הו יעלם מא בקלבי

  35. מן אלאחתראק פי

  36. אלכלאץ אללה תעאלי

recto - top margin

  1. יעין עלי דלך

  2. ויקדם אלכירה

  3. לנא ולה ולכל ישר

  4. ואמא אמר ר

  5. חלפון פקד

  6. כאטבת ר מרדוך

  7. ור ישועה החבר

  8. עלי דלך ונחן

  9. נלטף לעל ירדהם

  10. אן שא אללה

  11. ומא אתזיד

  12. מן אלאכבאר

  13. וכיר יכון

  14. אן שא אללה

  15. אכתב אעלמה

  16. בה קד וצל

  17. קארב מפצל

  18. אלי אלמהדיה

  19. סאלם וגמיע אל

  20. מראכב

  21. וצלת סאלמה

  22. בחמד אללה

  23. ושלום

T-S 13J19.20 1v

1v

verso

  1. יכתץ באתם אלסלם ר אברהם ור אבו נצר אפצל אלסלם וסאדאתי אצהארה חרסהם אללה אלסלם

  2. ומן תשמלה אלענאיה אלסלם ומן סאל עני אלסלם ושלום רב ור אבו עלי חסן אלמתטבב אלברקי

  3. צדיקך יכצך באתם אלסלם וכאן עלי אנה יטלע למא קבלכם לאנה כאן עלי אלמרור אלי אלקדס

  4. עמרה אללה והו מגד עלי דלך פאן כתב כתאב ידכרה פיה לאנה מחב ודאכר לה פי כל אלאוקאת

verso - bottom margin

  1. מולאי ושיכי ר נהראי ביר נסים זל         שאכרה ישועה בן אסמעיל נע

  2. אטאל אללה בקאה ואדאם עזה ותאידה                   שלום רב

بيان أذونات الصورة
  • T-S 13J19.20: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 13J19.20. Available online through the Princeton Geniza Project at https://geniza.princeton.edu/documents/5892/, accessed December 21, 2024.
https://geniza.princeton.edu/documents/5892/