منحة في رسالة: Moss. II,188.1

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.

Recto

כתאבי יאסידי ומולאי אטאל אללה בקאך ואדאם סלאמתך וסעאדתך וצרף אלאסוא ענך ברחמתה
מן מצר לה' כ'לון מן כסליו ואלחאל סלאמה ונעמה ואלחמד ללה רב אלעאלמין תקדמת כתבי אליך ערה
לא אחציהא אמס וקבלה והי כלהא תצל לסידי אבי אלפצ'ל זכרי איידה אללה קד אסתכרת אללה תע'
וחמלת אליך מע מולאי אבו סהל בן יושע בן נתן נ'ע' ברסם מולאי עמך צרה עין שאמיה
תשתרי לה בהא מן בוציר כמא קד אסתקר וגאת בה כתבך לי ולה אלעדד ס'ו' די'נ' אלוזן
ס' ד'י'נ' ור'ב' וסדס וצרף רבאעי דלך ס' די'נ' ותלתיי וקד תקדמת כתבי אליך עדה וסאלתך
תתפצ'ל ותחקק בקיה' צרתי תצ'יפה אלי צרה' אלכהן ותצ'יף אליהא איצ'א מן ענדך כ' די'נ' אלי
אן נתחאסב פיציר לה ענדך אלסאעה צרתה אלאולי מ'ה' ובקיה צרתי ל' ומן ענדך כ' דלך
חול צ'ה' ד'י'נ' ואנא נחמל לה מע כתאבי הד'א איצ'א ל' ד'י'נ' וחולה ואסלך יאמולאי תתפצ'ל
ותשתרי לה ולעמך בקסמהם ורזקהם אללה תע' יעינך וינצרך ומא לזמך אללה תוגה
צורהם ותבדלהא ותשתרי מן אלצ'יאע לא תטלב אלג'איאת ובעד הד'א אלראי לך אעמל
מא תראה וארגו אנכם קד חזמתם ותבאדרו באלחמל פאליום כ'יר מן ג'דא ולא תגעלו לי
אנא אסם פי רסאלתכם אגעל הד'ה אלג' אעדאל פי גמלה' עדתך ואלי אלאן מא אנכשף לנא
כ'בר מן אלשיני אללה יטלענא עלי כ'יר ברחמתה וכדלך מולאי ואלדן ענדי אנה רכב
פי אלכ'יטיה וקד וצלת כתב מולאי אלכהן יקול אן גמיע רחאלאת אצחאבנא אלמגארבה
סאלמה וללה אלחמד והו עלי מגי אלי הנא ואנת יאמולאי תעלם אכ'לאקה כיף הי

Recto

כתאבי יאסידי ומולאי אטאל אללה בקאך ואדאם סלאמתך וסעאדתך וצרף אלאסוא ענך ברחמתה
מן מצר לה' כ'לון מן כסליו ואלחאל סלאמה ונעמה ואלחמד ללה רב אלעאלמין תקדמת כתבי אליך ערה
לא אחציהא אמס וקבלה והי כלהא תצל לסידי אבי אלפצ'ל זכרי איידה אללה קד אסתכרת אללה תע'
וחמלת אליך מע מולאי אבו סהל בן יושע בן נתן נ'ע' ברסם מולאי עמך צרה עין שאמיה
תשתרי לה בהא מן בוציר כמא קד אסתקר וגאת בה כתבך לי ולה אלעדד ס'ו' די'נ' אלוזן
ס' ד'י'נ' ור'ב' וסדס וצרף רבאעי דלך ס' די'נ' ותלתיי וקד תקדמת כתבי אליך עדה וסאלתך
תתפצ'ל ותחקק בקיה' צרתי תצ'יפה אלי צרה' אלכהן ותצ'יף אליהא איצ'א מן ענדך כ' די'נ' אלי
אן נתחאסב פיציר לה ענדך אלסאעה צרתה אלאולי מ'ה' ובקיה צרתי ל' ומן ענדך כ' דלך
חול צ'ה' ד'י'נ' ואנא נחמל לה מע כתאבי הד'א איצ'א ל' ד'י'נ' וחולה ואסלך יאמולאי תתפצ'ל
ותשתרי לה ולעמך בקסמהם ורזקהם אללה תע' יעינך וינצרך ומא לזמך אללה תוגה
צורהם ותבדלהא ותשתרי מן אלצ'יאע לא תטלב אלג'איאת ובעד הד'א אלראי לך אעמל
מא תראה וארגו אנכם קד חזמתם ותבאדרו באלחמל פאליום כ'יר מן ג'דא ולא תגעלו לי
אנא אסם פי רסאלתכם אגעל הד'ה אלג' אעדאל פי גמלה' עדתך ואלי אלאן מא אנכשף לנא
כ'בר מן אלשיני אללה יטלענא עלי כ'יר ברחמתה וכדלך מולאי ואלדן ענדי אנה רכב
פי אלכ'יטיה וקד וצלת כתב מולאי אלכהן יקול אן גמיע רחאלאת אצחאבנא אלמגארבה
סאלמה וללה אלחמד והו עלי מגי אלי הנא ואנת יאמולאי תעלם אכ'לאקה כיף הי

Recto, right margin

לעלך
תתמכן מן אנגאז
חאגתה מתפצ'ל
קראת עליך יאמןלאי
אתם אלסלם ומולאי אלשיך
אבי זכרי אלטביב
אדאם אללה עזה אלסלם
וגמיע אהלך פי כל
נעמה וקר וצל לי
כתאב מולאי אלשיך
אבו אסחק ברהון
יקול אנה קד חצל
לה חאגתה
והו יחמלהא
פי אל

Recto, upper margin

כ'יטיה ומול[אי]
אבי אלפצ'ל
זכרי אפצ'ל אל
סלם ואסלה
לעל יחצל לי
מן אלות'יקה
שי פמא
אחסב מא
יחצל מנהא אלא
מן כיסה וכדלך
סאלתה פי שרא
חבל וכ'ישל ו' טואלאת
אחב יחצלהם
וינפדהם אלי
וכד'לך ללשיך
אבו סחק ברהון
ענד אלאביאן
אלמחרקין
חזם

Moss. II,188.1 recto

Recto

Recto

Recto, right margin

Recto, upper margin

Moss. II,188.1 verso

Verso

Verso, upside down