منحة في رسالة: Halper 385

recto

1. בשמך רח

2. כתאבי יאסידי ומולאי אטאל אללה בקאך ואדאם עזך ותאידך ונעמאך וסעאדתך מן אל

3. מסתקר יום אלאתנין אלנצף מן אב ען חאל סלאמה ועאפיה אלדי תריד עלמה אן וצל כתאבך

4. מע מצר ווקפת עלי חאל סלאמתך אדאמהא <אללה> לך ודכרת אן קד אנפדת לי עדה כתב

5. ולם יצל אלי אלא הדא אלכתאב קבלה ביום כתבת יאמולאי אן קד אנפדת מע סלאמה

6. נפתל תלתה דנאניר וכמס קראריט וחבה פלא עדמת תפצלך ואמא מא

7. דכרתה פי באב סידי אבי אלפרג נסיס אידה אללה פלא עדמתה ומא ירידו

8. אלאצדקא אלא עוד אלשכאיר וקד סאל אכי יום אלגמעה עלם אללה אלאמר

9. וקד כתבתך אן סאלת אצדקאנא פי באב אלספרה אללה יגעל אלעאקבה

10. לכיר ועאפיה ואנא קד ~חלת רחלך אסל אללה אלכלאץ ואכתר מא עלי

11. קלבי אלנאר מן אגל מולאי אלשיך אבי אלכיר וקד דכרת לך....

12. דואתי אלדי לי ענדך פאנך תתרכהא ענדה סאעה תדפעהא

13. לה וידפעהא פי חסאב אכי ותאכד לי מנה בהא כט וחק מא ביני

14. ובינך אני לם ידכל שי ידי מן הדא אלמאל אלדי ענד אכי לא דינר ולא

15. דרהם ולא חבה אלאן אלקטן קד סק[ט] כמסה דנאניר פי אלחמל

16. ולם אביע מנה דרהם ואחד ואלשאש הו ואקף כמא הו לם יביעו

recto - right margin

1. מנה בדרהם ואחד אללה

2. תעאלי ילטף אלעאקבה ואלדי עלי קלבי

3. מן אגל מולאי אלשיך אבי

recto - top margin

1. אלכיר אמר עטים

verso

1. והו איצא יטלע לה פי אלדנ כמסה וקד בלגני אנך צאעד אלי אבו ציר פאללה

2. תעאלי יכתב עליך אלסלאמה וכץ נפסך באפצל אלסלאם ואכי יקרא עליך

3. אפצל אלסלאם וקד כתבת לך פי אסמך דלך פאחב תנפדהא אלי מא כאן

4. לך מן חאגה תשרפני בהא וזרעה יכצך באתם אלסלאם ואנא ננפד לך אליך אל

5. קפאר מע בן כלוף ודרג כתאבי הדא כתאב לסידי אבי אלפרג נסים תנפדה לה לתניס

verso - bottom margin - address

1. לסידי //ומולאי// אבי יחיי נהראי בן נסים אטאל אללה שאכר תפצלה מרדוך בן מוסי   אלאטראבלסי

2. בקאה ואדאם עזה