ثيقة شرعيّة: T-S 8J9.2–3
ثيقة شرعيّة T-S 8J9.2–3What's in the PGP
- 2 Transcriptions
الوصف
India Book I, 24a and I, 24b. Copy of three court proceedings involving the sale of a house. Nājiya, the wife of Yefet b. Avraham, 'the Pride of the Community,' made a 'conditional sale' of a house to Yosef Lebdi for 500 dinars. Lebdi moved his family to the ground floor and rented out the upper floors. For a year and ten months after the sale of the house, Lebdi still owed Najiya 80 dinars for the house. Only after he returned from another successful India voyage could he pay the debt. The three court sessions were concerned with the rents due to Nājiya, an issue compounded by Lebdi's claim that the rent for the ground floor was included in the 80 dinars and the fact that the subtenants claimed that they paid part of their rent by repairs and upkeep to the house. The last court proceeding is apparently dated to April 20, 1103. T-S 8J9.2 is IB I, 24a; T-S 8J9.3 is IB 1, 24b. First record signed by Yiṣḥaq b. Shemu'el, Hillel b. Eli and Elazar ha-Levi b. Shalom ha-Melamed, the second by Yiṣḥaq b. Shemu'el and Ḥalfōn ha-Levi b. Menashe, and the third by Yiṣḥaq b. Shemu'el, Avraham b. Shema'aya descendant of Gaon, and Shelomo b. Natan.
العلامات
صورة
النصوص المفرّغة
الترجمة
Editors: Goitein, S. D.; Friedman, Mordechai Akiva
S. D. Goitein and Mordechai Akiva Friedman, India Book 1: Joseph Lebdi prominent india trader: Cairo Genizah documents (in Hebrew) (Jerusalem: Ben-Zvi Institute, 2009).
I, 24a
- נסכה אלשימושים אלדי גראת בין אלשיך אבו עלי
- אלתפארת ובין אלשיך אב[ו י]עקוב אללבדי
- חצר בבית דין ר ישועה וכיל נאגיה זוגה אלשיך
- אבו עלי אלתפארת בעד אן צחת וכאלתה בבית
- דין וטאלב אלשיך אבו יעקוב מ יוסף הידוע
- אללבדי בכרי אלדאר אלתי באעתה איאהא
- ביע תניא למדה סנה ועשרה אשהר מן חסאב
- כל שהר דינארין ונצף פקאל אבו יעקוב דנן הדא
- אלכרי מא פי גהתי מנה שי הו ענד אלסכאן
- וקד דכרו לי אנהם עמרו פי אלדאר בגמלה מן
- אלכרי פענד דלך אסתדעינא בעץ אלסכאן
- והו מ יכין החזן פקלנא לה אי שי ענדך מן כרי
- אלמוצע אלדי אנת סאכנה ומן אלעמארה
- פקאל קד //כאן// גאב ען אלבלד אבו יעקוב דנן פי הדה
- אלמדה אלדי יטלב אגרתהא הדא אלוכיל
- [וא]חתאגת אלדאר פי דלך אלי אצלאח ארכאן כאנת
- [פי] אלדאר וראינא נחן אלסכאן עמארתהא
- במא פי גהתנא מן אלכרי פאנפקנא אנא
- ומבא[רך] בן נחום שי לא אחקה אלאן והו
- מתבות ענדי ואנא אחקקה ואעלם בה בית דין
Verso:
- פקלנא לה בחצרה אלגמיע אי שי תערף מן אלאכריה
- פי עלוהא פקאל בתפציל עדד נצף ורבע ותמן דינ
- בעד אלחכר ואלחראסה קלנא לאבו יעקוב כם תחק
- אלמדה אלתי לזם אלסכאן אדא הדא אלמקדאר פקאל
- הי תכון סנה וסבעה שהור פענד דלך קלנא ללוכיל
- קד לאח למוכלתך ען הדה אלדאר סתה עשר
- דינ ונצף ותמן מן חסאב מא תקדם דכרה
- וקלנא איצא לאבו יעקוב דנן אי שי פי גהתך
- ען כרי סכנך אלקאעתין פי הדה אלמדה לאן אל
- וכיל ידכר אנה יגב לה עליך ען כראהמא
- דינאר וסדס פי אלשהר פקאל גמיע מא אסתדעִ
- מן אלכרי פי הדה אלמדה אלדי דכרתם קד […]
- מני גמיע אלכרי מע בקיה תמן אלדאר אלדי
- ינתהי כמס מאיה דינאר פקלנא ללוכיל
- אנת תסמע כלאמה פקאל מא אלאמר עלי
- מא דכרה פקלנא אנן בי דינא מא תתכל[ץ]
- מן הדא מן שבועה פקאל אישי וגב עלי [אופיה]
- מנה ומה דהוה קדמנא כתבנא והתמנא דלהוי
- לזכו ולראיה שהודה יצחק ביר שמואל זל
- הלל ביר עלי זל אלעזר הלוי ביר שלום המלמד נע
I, 24b
- חצרא אלי בית דין פי ח[דש] אייר ש[נת] אתיג לשטרות
- אלשיך אבו עלי ואלש[יך] אבו יעקוב ור יכין החזן נט רח
- וטאלב אלשי[ך אבו עלי] דנן ללשיך אבו יעקוב דנן
- בכרי סנה ותסעה ש[הו]ר אלדי אולהא מדכור
- פי כתאב שרי אלתני[א] ואכרהא מדכור פי
- כתאב אלאנתקאל פ[ק]אל אלשיך אבו יעקוב הדא
- אלכרי אלדי תטלבה מני מא קבצת מנה שיא
- והו אלי אלאן באקי ע[נ]ד אלסכאן פחצר מנהם
- ר יכין דנן וקאל אל[ד]י אעלם ואתחק[ק] אן אלשיך
- אבו יעקוב מא א[כ]ד מני כרי מדה עשרה
- שהור ומן חק הדה אלעשרה שהור לזם להא
- חק עמארה ארכאן רפ דרהם ופי תנציף
- מכאן יב ואלתסעה שהור אלבאקי מן אלסנה
- וז שהור עלי מא אקר בדלך אבו עלי הדא
- צארת מן ענדי אלי בית אלשיך אבו עלי פקאל
- אבו עלי אן קבל הדא אליום נהץ ר יכין דנן וראי
- ומא אעתרפו לה מן גמלה אלסנה ואלז שהור
- אלא בשהרין פקט פאלתמו גמיעהם אלחכם
- פי דלך ומה דהוה קדמנא כתבנא וחתמנא
- דלהוי לזכו ולראיה והדה שהודה
- יצחק ביר שמואל [זלֹ] חלפון הלוי ביר מנשה נע
Verso:
- חצרא אלי בית דין מ יוסף בר דויד נע ומר יפת
- בר אברהם נע בשיני י אייר פטאלב מ יפת
- הזקן דנן למ יוסף הז דנן באגרה אלקאעה אלדי
- סאכנהא למדה סנה [ו]נצף ודלך תמאן עשר
- דינאר והם טאלבה ב[א]גרה באקיה אלדאר ללמדה
- אלמדכורה ודלך נחו תלתין דינאר פסיל מ יוסף דנן
- ען גמיע דלך פקאל אמ[א] אגרה אלקאעה אלמכתץ
- בי אלתי הי יח דינאר עלי מא דכר פקד דכלת
- פי גמלה אל תמאנין דינאר אלתי הי תתמת (!) אל
- כמס מאיה דינאר תמן אלדאר וקד ופיתה
- דלך ומא בקי לה ענדי שי מן דלך ואלדי דכר
- הו איצא מן אגרה באקי אלדאר וטאלב ענה
- בתלתון דינ אלסכאן הם חאצרין וקד דכרו
- אנהם עמרו פי אלמוצע שי אן יחתאג אליה
- יחאסבהם עלי דלך ואיש מא בקי כאן לה ואנא
- אדפע לה אלאגאיר אלדי עליהם חתי יתמכן
- מן חקה אלדי טאלבהם בה ומה דהוה קדמנא
- כתבנא וחתמנא למהוי לזכו ולראיה והדה
- שהודה יצחק ביר שמואל זל
- אברהם בר שמעיה הח נבת ויא נין שגנע
- שלמה ביר נתן החבר זצל
T-S 8J9.2 recto
T-S 8J9.2 recto (IB I,24a)
- נסכה אלשימושים אלדי גראת בין אלשיך אבו עלי
- אלתפארת ובין אלשיך אב[ו י]עקוב אללבדי
- חצר בבית דין ר' ישועה וכיל נאגיה זוגה אלשיך
- אבו עלי אלתפארת בעד אן צחת וכאלתה בבית
- דין וטאלב אלשיך אבו יעקוב מ' יוסף הידוע
- אללבדי בכרי אלדאר אלתי באעתה איאהא
- ביע תניא למדה סנה ועשרה אשהר מן חסאב
- כל שהר דינארין ונצף פקאל אבו יעקוב דנן הדא
- אלכרי מא פי גהתי מנה שי הו ענד אלסכאן
- וקד דכרו לי אנהם עמרו פי אלדאר בגמלה מן
- אלכרי פענד דלך אסתדעינא בעץ אלסכאן
- והו מ' יכין החזן פקלנא לה אי שי ענדך מן כרי
- אלמוצע אלדי אנת סאכנה ומן אלעמארה
- פקאל קד //כאן\\ גאב ען אלבלד אבו יעקוב דנן פי הדה
- אלמדה אלדי יטלב אגרתהא הדא אלוכיל
- [וא]חתאגת אלדאר פי דלך אלי אצלאח ארכאן כאנת
- [פי] אלדאר וראינא נחן אלסכאן עמארתהא
- במא פי גהתנא מן אלכרי פאנפקנא אנא
- ומבא[רך] בן נחום שי לא אחקה אלאן והו
- מתבות ענדי ואנא אחקקה ואעלם בה בית דין
T-S 8J9.2 verso
T-S 8J9.2 verso (IB I,24a)
- פקלנא לה בחצרה אלגמיע אי שי תערף מן אלאכריה
- פי עלוהא פקאל בתפציל עדד נצף ורבע ותמן דינ'
- בעד אלחכר ואלחראסה קלנא לאבו יעקוב כם תחק
- אלמדה אלתי לזם אלסכאן אָדָא הדא אלמקדאר פקאל
- הי תכון סנה וסבעה שהור פענד דלך קלנא ללוכיל
- קד לאח למוכלתך ען הדה אלדאר סתה עשר
- דינ' ונצף ותמן מן חסאב מא תקדם דכרה
- וקלנא איצא לאבו יעקוב דנן אי שי פי גהתך
- ען כרי סכנך אלקאעתין פי הדה אלמדה לאן אל
- וכיל ידכר אנה יגב לה עליך ען כראהמא
- דינאר וסדס פי אלשהר פקאל גמיע מא אסתדעוה
- מן אלכרי פי הדה אלמדה אלדי דכרתם קד [...]
- מני ג'מיע אלכרי מע בקיה תמן אלדאר אלדי
- ינתהי כמס מאיה דינאר פקלנא ללוכיל
- אנת תסמע כלאמה פקאל מא אלאמר עלי
- מא דכרה פקלנא אנן בי דינא מא תתכל[ץ]
- מן הדא מן שבועה פקאל אישי וגב עלי [...]
- מנה ומה דהוה קדמנא כתבנא והתמנא דלהוי
- לזכו ולראיה שהודה יצחק ביר' שמואל ז''ל
- הלל ביר' עלי ז''ל אלעזר הלוי ביר' שלום המלמד נ''ע
T-S 8J9.2–3 recto
T-S 8J9.3 recto (IB I,24b)
- חצרא אלי בית דין ח[דש] אייר ש[נת] אתי''ד לשטרות
- אלשיך אבו עלי ואלש[יך] אבו יעקוב ור' יכין החזן נט' רח'
- וטאלב אלשי[ך אבו עלי] דנן ללשיך אבו יעקוב דנן
- בכרי סנה ותסעה ש[הו]ר אלדי אולהא מדכור
- פי כתאב שרי אלתני[א] ואכרהא מדכור פי
- כתאב אלאנתקאל פ[ק]אל אלשיך אבו יעקוב הדא
- אלכרי אלדי תטלבה מני מא קבצת מנה שיא
- והו אלי אלאן באקי ע[נ]ד אלסכאן פחצר מנהם
- ר' יכין דנן וקאל אל[ד]י אעלם ואתחק[ק] אן אלשיך
- אבו יעקוב מא א[כ]ד מני כרי מדה עשרה
- שהור ומן חק הדה אלעשרה שהור לזם להא
- חק עמארה ארכאן רפ דרהם ופי חנציף
- מכאן י''ב ואלתסעה שהור אלבאקי מן אלסנה
- וז' שהור עלי מא אקר בדלך אבו עלי הדא
- צארת מן ענדי אלי בית אלשיך אבו עלי פקאל
- אבו עלי אן קבל הדא אליום נהץ ר' יכין דנן וראי
- ומא אעתרפו לה מן גמלה אלסנה ואלז' שהור
- אלא בשהרין פקט פאלתמו גמיעהם אלחכם
- פי דלך ומה דהוה קדמנא כתבנא וחתמנא
- דלהוי לזכו ולראיה והדה שהודה
- יצחק ביר שמואל ז''ל חלפון הלוי ביר' מנשה נ''ע
T-S 8J9.2–3 verso
T-S 8J9.3 verso (IB I, 24b)
- חצרא אלי בית דין מ' יוסף בר דויד נ''ע ומר יפת
- בר אברהם נ''ע בשיני י' אייר בטאלב מ' יפת
- הזקן דנן למ' יוסף הז' דנן באגרה אלקאעה אלדי
- סאכנהא למדה סנה [ו]נצף ודלך תמאן עשר
- דינאר והם טאלבה ב[א]גרה באקיה אלדאר ללמדה
- אלמדכורה ודלך נחו תלתין דינאר פסיל מ' יוסף דנן
- ען גמיע דלך פקאל אמ[א] אגרה אלקאעה אלמכתץ
- בי אלתי הי י''ח דינאר עלי מא דכר פקד דכלת
- פי גמלה אל תמאנין דינאר אלתי הי תתמת (!) אל
- כמס מאיה דינאר תמן אלדאר וקד ופיתה
- דלך ומא בקי לה ענדי שי מן דלך ואלדי דכר
- הו איצא מן אגרה באקי אלדאר וטאלב ענה
- בתלתון דינ' אלסכאן הם חאצרין וקד דכרו
- אנהם עמרו פי אלמוצע שי אן יחתאג אליה
- יחאסבהם עלי דלך ויש מא בקי כאן לה ואנא
- אדפע לה אלאגאיר אלדי עליהם חתי יתמכן
- מן חקה אלדי טאלבהם בה ומה דהוה קדמנא
- כתבנא וחתמנא למהוי לזכו ולראיה והדה
- שהודה יצחק ביר' שמואל ז''ל
- אברהם בר' שמעיה הח' נב''ת וי''א נין שגנ''ע
- שלמה ביר' נתן החבר זצ''ל