رسالة: T-S 18J2.6
رسالة T-S 18J2.6What's in the PGP
- صورة
- 1 Transcription
الوصف
Letter from Simḥa Kohen, probably in Alexandria, to Abū l-Manṣūr. Dating: ca. 1205 CE. The writer complains about the extortions of a tax farmer who claimed that many people had executed the transfers of the ownership of their houses before a Jewish court without registering them with the government. (Information from Mediterranean Society, IV, pp. 90, 365). See also Goitein notes and index card linked below.
العلامات
صورة
النصوص المفرّغة
الترجمة
Editor: Goitein, S. D.
T-S 18J2.6 1r
S. D. Goitein, unpublished editions.
Recto:
- ואמרתם לחי ואתה שלום וביתך שלום
- וכל אשר לך שלום
- ממלוכהא אלדאעי להא שמחה כהן
- ינהי תקדמה כתבה לחצרת אלמולא
- אלסייד אלאגל אלוגיה אלשיך אלאגל
- אבי אלמנצור אלמאלך אלמנעם אל
- מתפצל אל(!) אטאל אללה בקאה ואדאם
- עזה ועלאה וגמע אלשמל במשאהדתה
- עלי אסר אלאח{ו}אל ובלוג אפצל אל
- אמאל במנה וימנה אן שא אללה תעאלי
- וסוי דלך באן כאן קד תקדם אלקול
- מן גהה אלרושן לאנה רפע וכרג ען
- אלחאיט כרוג שניע חתי צאר יפזע
- מן יגוז מן תחתה אלי אן ארפד ובעד
- דלך גאבו אלרייס ואמר באן יחט פאחתגת
- באן נגתמע פאגתמעת וערפתה באנה
- אן אשרע פי חטה בקיה אלדאר סאיבה
- ומא פיהא פקאל אן כאן אלאמר לאיאם
- קלאיל ימהל וקד גאב אלמכארי אלרכב
- וכאנו טלבו פי אלבית אן וקע כריקאת
- מטרזה יעמל מנהם צראול ללצגירה
- תאכד לכם ותאכד להם אלקרמז אלדי
- אוצאו אלמולא עליה ויחרץ כל אלחרץ
- אנה לא יחצל לה עאקה לעל ירוג
- אמר כמאל אלדאר אן שא אללה תעאלי
- וענד כתאבה הדה אלאחרף בלגנא
- כבר באן וצלת כתב בצלח אלמואלי אללה
- יגעלה צלח דאים ולא יעוד אן יקע
- תם מא יכשן אלקלוב וישרח בין אלמ{ו}אלי
- אלסאדה אלשלום ולא יפרק לכם שמל
T-S 18J2.6 1v
Recto, right margin:
- פכל מן יעתקד שריעה אלרסול פרח להדה אלשנאעה הקבה יגעל דלך צחיח ולא יתגדד סוא אנהם ודעו מא אמרתהם בה
- וזיאדה וקאל שכץ כביר אנהם נצף אלגיט אלמכאן אלדי גייד אללה לא יכייב אלדעא והי סנה מבארכה כתירה אלמטר כצבה
Verso:
- אללה יבלג בהא אלמנאפע ולם יתגדד מא נעלם
- בה אלחצרה אלא קצייה אבן רזיק קד תצלט עלי אל
- יהוד וצלט עליהם אלצאמן והו מנכסר יקול פלאן
- קד תבאיע מע שרכאה דאר אטלבה יחצר אל
- כתב ורגע יטלב אלנסא יקול פלאנה כאן להא חק
- עלי זוגהא ומאת אכדת בכתאבה אמא דאר או חצר
- פי דאר חתי מא עלמת מא גרי לה מע אלנגיב
- פי טלב כתאב קאל לה מא נגיב לך כתאב ונוקפך
- אלא מא כאן עלי איאם צמאנך ומא יקדר אלגיר
- יעמל הדא אלא אן תגתהדו פי אכד כתאב באן לא
- יכשף עלי אחד אחואלה ויבקי אלנאס מסתורין
- לאנה קאל לה הם ישתרו ויב{י}עו וישהדו בשהודהם
- ולא יעלם אלדיואן ומא בקי לה סגל אלא טול
- אלנהאר ואקף פי בין ידי אלצאמן והו שכץ
- סאקט נחס פלא תגפלו פי אכד כתאב שאפי
- מן כל בד ודלך בעד אכתצאץ אלמולא ואכותה
- באתם סלאם ואלצגאר גמיעהם פי עאפיה
- וכל וקת יקע בין אלגאריתין כמא תעלם אל
- מחארגה ונרגע נכסר עליהם חרס אללה כיארהם
- אעלמת מולאי דלך ושלומה ירב
- וכתב יום אלתלתא תאמן עשר שבט
- ישע יקרב
