رسالة: DK 230.4 (alt: 11, I)

رسالة DK 230.4 (alt: 11, I)

بيانات التعريف

علامة الرف
DK 230.4 (alt: 11, I)
اللغة الأساسية
Judaeo-Arabic

What's in the PGP

  • 1 Transcription

الوصف

Letter from Yaʿaqov b. Yosef b. Ismāʿīl al-Iṭrābulusi, Ascalon, to Nahray b. Nissim, Fustat. Circa 1060. Discusses the import and export of goods through Ascalon. (Information from Gil, Palestine, Vol. 3, p. 186.) The writer has been suffering from a severe case of ophthalmia (ramad), "but even so I have never neglected my correspondence (r6–7).

العلامات

Additional metadata

Collection
Hungarian Academy of Sciences, David Kaufmann (DK)
Historical shelfmarks
DK 11, DK I
تاريخ الإدخال
In PGP since 1987
صورة
النصوص المفرّغة
الترجمة

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  1. כתבת אטאל אללה בקא מולאי אלשיך ואדאם סלאמתה וסעאדתה וחראסתה
  2. וכבת אעדאה מן עסקלאן לד כלון מן תשרי אללה תעאלא יתקבל מנה פיה
  3. צאלח אלדעא ויעיד עליה שנים רבות בגופא בריא ובכיסא מליא וירזקה
  4. זרע אנשים ויבלגה אמלה פי אלדין ואלדניא ואלחאל סלאםה ועאפיה
  5. ללה אלחמד עלי דלך כתירא תקדמת כתבי למולאי עדה ארגו וצולהא
  6. למולאי ווקופה עלי מצמונהא וכנת עלי אמר אן צעב מן רמד אן כאן
  7. בי ומע דאלך מא כנת אפרט פי אלכתב פי כל וקת ופי יומי הדא וצל
  8. כתאב מולאי אלמורך לט בקין ווקפת מנה עלי עלם סלאמתה אדאמהא
  9. אללה לה ושכרת אללה תעאלא עלי דלך אללה תעאלא יגעלה אבדא פי חיז
  10. אלסלאמה ודכר מולאי אן לה מדה מא קרי לי כתאב ומא וחק אבי יגוז
  11. וקת אן שא נרי מנה כתאב או לא אלא ואכתב פיה כתאב עלי קדר מא
  12. יקתצי אלוקת ודכר מולאי אנה אשתרי אלקצדיר ואנה ישתרי בקיה אל
  13. עדל הלילג אצפר ארגו אנה פעל מתל דלך ואנפדה ויעלמני מולאי כם
  14. וזנה וכם קימתה חתי אדרי וארגו יכון פי אלעדל קטיעתין ג בקם
  15. ודכר מולאי אנה כלטה מא ראה מולאי הו אלראי לא עד,ת בקאה
  16. ואלי יומנא הדא מא ענדי מן סידי אבו יעקוב בן אלדיין כבר אללה
  17. תעאלא יגעלה פי חיז אלסלאמה ברחמתה וקד אסתכרת אללה תעאלא
  18. ושדת ג אעדאל סמאק ואוסקתהא פי קארב יקאל לה בן יאסר
  19. ואלי אלסעה מא אקלע ואדא אקלע כתבת מעה אלרסאלה וכדלך אוסקת
  20. מעה אלשכארה אלעפץ וזמהא קנטאר וכסר ובקי ענדי תקדיר
  21. עדל סמאק מא וגדת כאיש נשדה ולו כאן ענדי אלכיש לכנת אשתרי
  22. מנה אכתר מן הדא אללה תעאלא יכתב עליהא אלסלאמה וקד כתבת
  23. עליהא אסם מולאי עלאה אללה ואסמי ואנא אכתב אלי בן עקיב יקדם
  24. חמלהא וכדאלך יצתב לה מולאי ואלכתאן הונא אליום כאסד ואקף במדה
  25. לחאל אנגלאק אלגבל לאן בינהם סיף אן עטים ומא יטלבו אלא אלאהא[..]

Right Margin

  1. וקד כנת בעת למולאי קסים מן אלכתאן ג אעדאל עדל מנהא ה ורבע נעדלין ה

ווקיה בשרט אן אלעשרה ט סמאחה תלתי דנ>

  1. בנקד נצפין ובעת עדלאן אכר שער סתה ואוקיה בנקד אן גיר ללמכס והו כיר

מן ביע ה

  1. עדל אן אכר במעאמלה ה ווקיה כאן עדל אן לטיף פתחתה פי אלחלקה וכאן פיה

אכתלאף אן וחש

Upper Margin

  1. ואחב תעלמני כיף תסוא אלכתירא וכיף יסוא אלבקם ואלהלילגאת
  2. ולא תכסי עני שי מן אמור אלבלד ואכבאר אלכהן ואל[...]
  3. ואן כאן תזיד כבר מן אלגרב ואן כאן יצל אחד ואנת שלום וביתך שלום וכל אשר לך

שלום

Verso

  1. מא ראית פי כתאן מולאי מא ישבה ובקי מפתוח פי אלמכזן פראית אן א[ביעה]
  2. במא אקדר[ת] עליה ואכדת פיה מעאמלה מע [[עדלין]] //ג אעדאל// אכד לי קטן וסכר

מקארבין

  1. אלאתנין אמא אלסכר פאכדתה סער ה ארטאל בדינ יז> ומא הו טייב פיה חמרא
  2. והו מן סכר אלזיב לאן סכר אלזיב מקארב וינקץ כתיר ופי גמעתי הדה בעת
  3. מנה קפץ נקצני ה ארטאל ותלתיי בצבר אלי אידיהם שלגוים סער ה ארטאל
  4. בדינ מא פיה כסארה דינארין והו אכיר מא פיהא ופתחת קפץ אן אכר עלי
  5. אני אביעה בהדא אלסער מא אשתרי לאנה מקארב ואמא אלקטן פאני אכדתה
  6. סער ה ארטאל גיר וקיתין בדינ יז > והו אלי אלאן קאעד מא בעת מנה שי
  7. פאנא אדא ראית וגה ללביע בעתה ובעת איצא עדלאן אכר אכדת
  8. אלבעץ דנאניר ואלבעץ סכר ובקי ענדה אלבקיה ובקי למולאי אלי אליום
  9. גיר מביע ג אעדאל ואנא מעול אן שא אללה בעד אלסבת אגמע עליהא
  10. חלקה ואביעהא בחסן מעאמלה בסבר שהרין או ג או כיף מא ראית
  11. וגה ללכלאץ ואלכתאן אלדי מן אספל אלארץ הו יסוא מן ז בדינ אלי ח
  12. [ ] דינ אלנצפין יכרג מנה אלסמאחה כל עדל ג ארטאל כתאן וכל עשרה
  13. [ ] דלך סמאחה [ ]מסרה אעלמת מולאי דלך

ופי בית[ ]

  1. אביעה עלי אהל אלסוק מא סמעת פיה אלא הדה אלאס[עאר] לא גמיעהם
  2. [ ] קד סאלת סידי אבו יעקוב אן יגיב לי מעה כסי ואלדאר קד נזלתהא

ומא

  1. ענדי כבר מן דלך וכדלך [ ] סידי סלימאן יגיב אלגאריה [ ]את דפאתר
  2. לי [ ] לסידי אבו יעקב [ ] באן ידפע לה ה דנאניר לתצפר בהא
  3. [ ] אלכהן ידפע לה אלרסאלתין לא עדמת תפצל מולאי ועקב שלום אנס

Right Margin

  1. ש צו יבסה ויכתץ מולאי באתם אלסלאם וסיד[נא] אלרב אדאם [אללה עזה אלסלאם]

וגמיע מן תשמלה ענאיתה אלסלאם ופי אל [ ]

Below, Upside-Down, Right

  1. لسيدي وموﻻي الشيخ ابي يحيي نهراي بن نسيم المغربي
  2. اطال الله بقا٥ وكبت حسدته واعدا٥
  3. نجا بن حسين اﻻنصاري

Left

  1. يعقوب بن يوسف بن اسمعيل اﻻطرابلسي
  2. الفسطاط ان ساء الله
  3. ابرهيم (?) بن سهيل (?)
Hungarian Academy of Sciences, David Kaufmann (DK) , DK 230.4 (alt: 11, I). Available online through the Princeton Geniza Project at https://geniza.princeton.edu/documents/4498/, accessed November 23, 2024.
https://geniza.princeton.edu/documents/4498/