رسالة: L-G Misc. 43
رسالة L-G Misc. 43العلامات
الوصف
Letter sent by Yiṣḥaq the Jerusalemite to an old friend, judge Eliyyahu b. Zechariah, excusing himself for traveling from Bilbays directly to Alexandria, without making the detour to Fustat to pay his respects to him on the approaching holidays. The writer asks the judge to submit the matter of an old man who was supported by his nephew and lost this support when the nephew died to the Nagid Avraham Maimonides for redress; otherwise, it will end up in the hands of the Muslim authorities. (Information from Mediterranean Society, II, p. 397; V. pp. 279, 584)
Edition: Goitein, S. D.
Translation:
L-G Misc. 43 1r
النصوص المفرّغة
S. D. Goitein, unpublished editions.- יצח]ק ירושלמי
- בשמ רח
- מושב הדרת כגק מרינו ורבינו אליה
- הדיין החכם והנבון שצ ינהי אלממלוך
- בעץ שוקה אלי אלפאטה אלמפידה וטלעתה
- אלסעידה פאסאל בורא עולם אן יוסף לו
- כבוד על כבודו וימציאו חן וחסד בעיני
- אלהים ואדם ויגמע שמלה בולדה אלעזיז
- אלרייס אבו זכרי פי כיר ועאפיה וכאן קד
- כרג אלממלוך מן בלביס וכאן אמלי אן נעבר
- מצר נסלם עלי אלמולא פכאן אלוקת צייק מן
- גהה חג הפסח ואלמולא יעלם חקיקה אל
- מחבה ואלהים יודע מא פי כלאמי ריא
- והוא בוחן לבות(!) עיד דלך פאן מוצלהא
- קצדני אן עזיידך סואל פי אן תגתהד פי אן
- תערף סיידנא אלנגיד אנה נאל ען מיראת
- כתיר אבן אכוה אבו אלפתוח כל סנה יסאעדה
- פי אלגאליה פלמא תופי עז עלי וחצל אן קד
- וצל אכתר דרהמה אלי אסכנדריה פסאל אן
- יסעף מנה בשי פלם ישאו אהל בית
- אכוה פחצל אנה אראד אן יודר אלמגיע
- באלחמס פהדינאה וקאם בראיה אן ימצי
- אלי אלמולא יכון לה למליץ ענד רבינו פי אן
- יכון מן אלמצלחה אן יסתרוה בשוי עלי אן
- אלשרע מא יוגב לה שיאלא מן גהה מא ינטר
- מן נקץ אחואלה לאנה פי אדון חאל גדא ואלמולא
- מא יחתאג מן יערפה בה ואדני חכם כמלאך
- האלהים ושלומך יגדל וירבה כארבה אנ"ס
- ושלום השר אלולד אלעזיז אללה יגעלה
- לשם ולתהלה ומן תפצלך נחב אן תסייר
- ען ממלוכך הדה אלכתב אלי בלביס לאן
- תרכת חואיגי עלי אן נעייד ונעוד
- פלם נקדר
الترجمة
L-G Misc. 43 1v
verso
- ויא מולאי כאן ממלוכך קד תרך ענד
- אלשיך בו אלמגד אלמלמד בן אכת אלשיך
- אבו אלבקא בן אלנחאל פי בלביס סנדאל חדיר
- ומקץ לעל תנעם עלי ממלוכך תקול לי(!)
- אברהים בן אבו נצר בן הרון ימצי אלי
- ענדה יאכדהם מנה פקד אוציתה
- עליהם פאנא מחתאג אליהם בפצלך
- ותוצל אליה כתאבה בתפצלך עלי כאדמך
address, bottom of the page, straight lines, at 180’ to main text
חצרה אלשיך אלאגל אלרייס אלגליל כגק
מר ורבינו אליה הדיין החכם והנבון שצ
אלי מצר
