منحة في ثيقة شرعيّة: T-S 8J29.5

ثيقة شرعيّة T-S 8J29.5
  1. الاقتباس المرجعي
    S. D. Goitein, unpublished index cards (1950–85), #9201 and #9203. Princeton Geniza Lab, Princeton University.
    Relation to document
    • المناقشة
  2. الاقتباس المرجعي
    S. D. Goitein's unpublished edition (1950–85), available online through the Princeton Geniza Project at https://geniza.princeton.edu/documents/3776/.
    Relation to document
    • Digital Edition
صورة
النصوص المفرّغة
الترجمة

T-S 8J29.5 1r

°
1r
S. D. Goitein's unpublished edition (1950–85).
  1. יקול מן סיתבת שהאדתה פי אספל הדא אלכתאב חצר אלינא יוסף
  2. בן מוסי בן ברהון אלתיהרתי וקאל לנא כנת עאם אול פי שהר סיון סנה
  3. תתו ללכליקה חאצר פי גמלה [[בעצ. . ]] אצחאבנא פי קצה גרת בין זוגה
  4. יוסף בן יעקוב בן אלזאכי ומן דעאוי אן אדעת עלי פל בנת /מנחם/ אלשעאלי פאצלחו פי
  5. מא בינהם אצחאבנא עלי אן יכתב כליף בן מנחם אלשעאלי עלי נפסה כתאב לזוגה
  6. בן אלזאכי בעשרין דינ לאגאל מדכורה פי אלכתאב פאקני מן כליף בן אל
  7. שעאלי בהדה אלכ דינ פסאלוני אצחאבנא אלדי כאנו חצור אן [[נעמל חסד
  8. מע הדה אלאמראה]] ונעירהא אסמי פי הדא אלכתאב פפעלת דלך ואלאן אקנו
  9. מני ואשהדו עלי ואכתבו ואכתמו ואעטיו לפל בנת פל לתכן בידהא חגה
  10. לליום ובעדה במא הו דא אנא מקר בין ידיכם אקראר צחיח בצחה עקלי
  11. וב]דני וגואז אמרי טאיע גיר כארה אן הדא אלכתאב אלדי אסמי פיה מסתעאר
  12. . . ] פי כליף בן מנחם בעשרין דינ ליס לי פיהא לא קליל ולא כתיר ולא
  13. דעוה ולא טלבה ואנה לפל בת פל זוגה יעקב בן אלזאכי דוני אנא יוסף בן מוסי
  14. ותאריך הדא אלכתאב אלמדכור יום אלאתנין לד איאם מצת מן שהר סיון סנה
  15. תתו ללכליקה ואקנינא נחן אלשהוד מן יוסף בן מוסי לפל בנת פל עלי כל מה
  16. דכתיב ומפרש לעילא במנא דכשר למקניא ביה שריר וקיים וכאן דלך בחצרה
  17. ישועה וסהלאן אבני מנחם בן אלשעאלי אלדי הם וראת כליף בן מנחם אלשעאלי
  18. אכוהם אלמתופא מן קבל רב וג . . אלי אלשאם וכאן דלך יום אלאחד ח בקין
  19. מן איאר סנה תתז לעולם באלאסכנדריה

T-S 8J29.5 1v

°
1v

Verso.

  1. מחצר גרא בין ידינא נחן אלשהוד אלמסמון אספל הדא אלכתאב חצר אלינא יוסף
  2. בן מוסי ומנעה זוגה יוסף בן יעקוב בן אלזאכי וקאל לנא באן עאם אול הדה אלאמצאה
  3. גרא בינהא ובין פל בנת מנחם אלשעאלי דעאוי וטלב פאצלחו בינהם מן כאן
  4. חאצר מן אצחאבנא אלמגארבה ובעץ מן אהל אלאסכדריה עלי אנה כליף
  5. בן מנחם וכתב להא עלי נפסה כתאב דין לאגאל מעלומה בעשרין דינ
  6. פסאלתני מנע/ה הדה אן נעירהא אסמי ותכתב הדא אלכתאב באסמי
  7. ואלדנאניר להא דוני //פפעלת להא דלך// פסאפר כליף הדא ומאת פי ספרתה תלך וחיי לכל
  8. ישראל שבק ולם יעוד מן ספרתה תלך ואלאן [[הדא כתאב פקד]] אנא
  9. אסלכם אן תתבתו לי שהאדתכם באני קד ערצת עליהא הדא אל
  10. כתאב בחצרתכם לתטלב בה ורתא //כליף// אלמתופא //נע// לאן מא לי עאקה
  11. באלכצום ואלמכאצמה וכאנו חיניד ישועה וסהלאן ורתא כליף
  12. [[הדא]] אלמתופא חאצרין [[מן קבל ספרהם אלי אלשאם]] פאגבנאה
  13. דלך// וכתבנא לה // וכאן דלך יום אלאחד
بيان أذونات الصورة
  • T-S 8J29.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.