رسالة: T-S 20.133
رسالة T-S 20.133الوصف
Letter sent from Alexandria, in which the writer, Avraham b. Elazar the doctor, reports about the arrival of a ship from Marseilles, containing queries from a distant country to Maimonides, and complains about a new imposition by the Sultan and the general poverty of the local community. (Information from Mediterranean Society, I, p. 301 and from Goitein's index cards)
Edition: Goitein, S. D.
Translation:
T-S 20.133 1r
النصوص المفرّغة
S. D. Goitein, unpublished editions.- עבדהא אברהם
- בשמ רחמ בר אלעזר הרופא
- זצל
- אלדי אעלם כב חצרה מולאי כגק
- מ ור משה הכהן השר הנכבד תפארת
- הכהנים פקיד הסוחרים עין העידה
- תפארת בני ישראל ויהודה המעותד
- לשררה אדאם אללה תאיידה ועלוה
- ורפעתה וסנאה ותמכינה וכבת באלדל
- אלמהין חסדתה ואעדאה אן נחן משתאקין
- אלי נטרהא ומסתוחשין ענהא ומתרקבין
- נחו אכבארהא אללה תע ידים אלגמאל
- בבקאהא ולא יכלי אלקהלות מן ראיהא
- אלסעיד ודפעהא אלמדיד וכאן להא וליא
- ונאצרא גיר כאף ען גלאלהא מא נחן
- פי'ה מן קלה אלמרצתין ואלנקץ מן אלמקימין
- ואלצורך אלדי נחן פיה בסבב אלזלט ומא
- תסיר עלינא פי הדה אלאיאם ולא סימא
- מנה סמע בוצול אלתוקיע אלסלטאני זדה
- אללה נכאדא צארת אלקטיעה עלינא נחן
- מלה אליהוד סבעה דנאניר אלגמעה וקלה
- אנצאף אלגמאעה כמא תעלם וקד
- הלך אלמסתור ואלצעלוך וגיר פלא(!)
- ולמא כאן פי הדה אלאיאם וצל מרכב
- מן מרשיליא מע גמלה אלמראכב אלדי
- וצלו ופיה רסול מן ענד ר אפראים אלשאב
- אלדי כאן עאם אול הנא וצחבתה שאלות
- מן בלאד בעידה לרבנו משה ירום הודו
- יטלבו מנה אלפתאוי עליהם וקד אכרינא
- רסול קאצד אללדי הדה אלכתב צחבתה
- ואנא נסאל חצרתה אלסאמיה פי אן תסלם
- וסער אלמרכב
الترجمة
T-S 20.133 1v
verso
- . . . . . . . . . . . . . . . . .]ת אלחצרה
- אלסאמיה מכצוצה באתם סלאם וכדה
- איצא [. . .]ל. .ני רבנו אנטלי הרב
- הגדול [. . . . . .] שוקי אליה וארתיאחי
- נחו[. . . . . . . .]מא .צלנא פי חקה
- וכונה //. . . . . . . . . .// מזוג אללה תע יגעלהא אבתדא
- אלכיר וקד אנפדנא צחבה הולאי אלכתב
- כתאב [. . . . . . . . .]. וצחבה
- .]כת. . . .[. .]ל[. . . . .]. אן ר פינחס
- אקעד לא יטיק ימשי ולא יקעד
- איצא פתערפה ויתודא למא הו אהל
- לה אללה תע יתרגנא בה אמן
- ושלומה ושלום כל הנלוים אליהא שלום
- וקד נפד בעץ אלגמאעה אלי אל[[שאם]] רייס
- אלדאודי יסאלה פי מא יכתץ באלזלט
- עסי יכלי בה . . . . קד קו. . יאכד
- כתאב מן אלמגלס פי מא יכתץ באל
- זלט עסי תגתמע בה ותחתה אללה
- יבקי אלחצרה ויענקהא אלנעים אל
- אבדי אלסרמדי אמן .
