منحة في رسالة: T-S 16.284

1. .] שיויתי ייי לנגדי תמיד כי מימיני בל אמוט
2. ו]לדהא אבו אלברכאת געל פדאהא כתאבי אלי
3. ח]צרה אלואלדה אלעזיזה אלכרימה אלמכרומה
4. . . .] כ[. . . . .] אלמחתרמה אטאל אללה בקאהא
5. וא]דאם עזהא ונעמהא ומן אח[. . . . . . . .
6. ו]תופיקה לא אכלאהא וגדד נעמהא [. . . . . .
7. ותולאהא וגמעני בהא עלי אחואל אלסארה
8. ואלאעין אלקארה במנה ופצלה ואלקאדר עליה
9. אן שא אללה תעאלי: ואלדי נעלמיך בה אן וקת
10. אן כרגנא מן אלתגר אלמחרוס וצלנא אלי אלעטף
11. יום אלגמעה וקעדנא פיה אלי צחוה אלנהאר
12. וצבנא אלמרכב אלדי גינא פיה פי אלספרה אלאולי
13. וכלינאה ועדינא אלי פוה מנצורה ודכלנא אלי
14. ענד יוסף ופקה אללה וימכן צחתה ויצי בצ[רה
15. ויקרב פרגה ויגבר כסרתה וידבר חילתה ויסל[מה
16. מן כל שדה ויגעל לה אלפרג עדה וצי. .[. . . .
17. ואכרמנא מתל עאדתה וכראמתה [. . . . . .
18. נכותה ומרוותה והמתה ואן מולאי ל[. . . .
19. וגע אלאדן וקת כרגנא מן ענדכם ו[ד]כל
20. אלחמאם פי פוה וכרגנא מנהא יום אלגמעה
21. אלעצר ונזלנא אלי אלמרכב ובקינא פיה לילה
22. אלסבת ויום אלסבת ולילה אלחד ויום אלחד
23. . . . . . .] אלמרכב מן שדה אלוגע יום
24. אלצהר אלי מצר מע אלסלאמה ואלעאפיה ומן
25. קבל אן נזלנא מן אלמרכב אכת[. . . .
26. אלדי פיהא אלמתאע מע אל[. . . . . . . . .
27. אלי אלגזירה פי //אל// קאילה פי וקת [. . . . . . .
28. וחמיתהא ומשית חאפי ורא [. . . . . . .
29. אלוקת גהינם עיאן בעיאן [. . . . . . . . .
30. וכבדי פי אלנאר אלחמרא אלי אן [. . . . . . . .
31. בעד אלרגפה ואלתעב ואלש[ר . . . . . . . .
32. מן אלקופה ועמלה בר להם [. . . . . . . .
33. ודפעתהם לואחד פגיר(?) מ[. . . . . . . . . .

verso

1. אלחואיג אלדי לרבנו יצחק שצ
2. ואלדי דפעתהם אלי אבו יעקוב
3. אול דאלך תבת פיה מחצר אלתמתיל
4. כתאב אן תאני פיה צורה אלפאתחה
5. כתאב תאלת פיה אלמנצורי
6. כתאב ראבע פיה אשעאר ללחריזי
7. כתאב כאמס פיה אלמקאלה אלאולי
8. מן כתאב אלמכתצר אלאוציה
9. לאבי נצר מחמד בן מ[.
10. אלסא. .י
11. ודפע לי כתאבין
12. מקטע גז כאם וסיר ביצא
13. וסיור גלד ביץ
14. והם פי אלמכ[זן . . . .