منحة في رسالة: T-S 13J25.2

1. בשמ רחמ
2. כתאבי אליך יא ואלדי ואלעזיז עלי וענדי אטאל אללה
3. בקאך ואדאם עזך ומן חסן אלתופיק לא א[כלאך
4. גמע אללה ביננא עלי אסר חאל במנה וכר[מה
5. אן שא אללה ומא תדכר שי מן אלשוק אלא
6. וענדי אצעאפה פלא תסאל מא כלנ[א
7. פיה מן כל וגה חאירין מן סבב כרי אלבית
8. ומן סבב ציעאן אלאטפאל וחירתה [. . . . . .
9. יא אנסאן ארגע אלי אללה אן קד [. . . . . .
10. אולאדך וחלת עליהם אלצדקה וא[. . . .
11. אנהם מא עידו אלא עלי בוריק בנצף [דר]הם
12. וברבע דרהם באדנגאן מקלי ומא צאבוא
13. מן ישתרי להם רטל לחם פלא תסאל מא
14. נחן נקאסי מן אבו אלפצל פבאללה מא ארהנת
15. ענד אלרקאק אלא רהן חתי אכדת בטה
16. דקיק בעד מא צאמו ג איאם וג ליאלי ואלדי
17. ארסלתה לנא דפעת מנה לצאחבה אלדאר
18. ואנפקת אלבאקי עליהם פי אלעיד פאללה אללה
19. תבטי פקד ארסל לך אלשיך אבו סעד כתאב
20. קאל לך לא תבטי מא עליך כוף ולא עליך
21. סוא ומא לנא אחד ידפע //לנא// דקיק ולא גירה
22. ואן ללחבר ענדנא שהר וגמעה מא

Right margin, diagonal lines written upside down.

דפ[ענא | לה שי ואן אל | מריצה מן דאך | אלדי תערפה | ימלא ויכרג אלעין | באלעין מא תם | אחד ילתפת | אלינא ולא

דפע לנא | סלימאן מן בעד | כרגת שי פאללה | אללה אחתרם מן | אלדי אלנאס פיה מן | סבב אלכל ולא | תתאכר ען אלצגאר | ואן צאע אלדהב | אלדי ענד אבו אלפצל | פי אסכנדריה | פקד מאתת | זוגתה

Top margin, perpendicular lines.

והו | עלי כטה | ואלדהב אלדי | אודעתה | ענדה מן | רסם אל | יתימה | מא סמענא | לה כבר | ו[. .]צרת | אבו אלפרג |

ולדך כיף | ירפע ידיה | . . .] מן

Verso

1. ויקול יא רב לא תוחשני מן מולאי
2. קראת עליך אלסלאם וצאעד יכצך באלסל[אם
3. ואבו אלפצל יכצך באלסלאם
4. ואלחמד ללה וחדה ושלום

Verso - address

1. يصل الى اسيوط الى الشيخ ابو نصر
2. الى الصعيد
3. من ولده ابو الفضل
4. ما عدم بقاه ابدا(؟)