منحة في رسالة: T-S 12.31

Recto:

1. בשמך רח
2. תקדמת כתבי אלי חצרה מולאי אלשיך אלאגל אלואלד [ . . . . ] אללה [ . . .
3. כמא לא אשך בוקופה עליהא ואלדי אוגב אצדאר הדה אלאחרף תוגה
4. מיכאל בסבב תעלקה באל . . ל אלדי לה וקד פעלת מעה מא כנת
5. אמרתני בה אשתרית לה כליק ביז דרהם ואכדת לה סרואל ב[ . . .
6. ואכדת לה צדר[י?]ה ביח דרהם ודפעת לה חק הדה אלאיאם אלדי קעד
7. פיהא ענדי נצף דינאר הי מדה שהר ואלקדרה שהד אללה [ . . . .
8. ען מתל דלך לאכן קד אנפצל מני עלי גמיל ואכל כל מנא רזק [ . . . .
9. עלי מן . . . ן מא לא אטיק שרחה וינצאף אליה גלאם בנצף דינאר
10. פי אלשהר ויחתאג אלנצף דינאר אכר כסוה מא אלי דלך
11. קדרה פלא תכלפה אלעודה אלי אלא אן יקנע מעי כמא יקנע גיר[ה
12. ואלא פמא לי קדרה וקד אנפדת לך צחבתה דינאר ברסם
13. אלנפקה וכמסה אראדב קמח וקליל חמץ וקליל קרטם וקליל כסברה
14. וקפץ מלא פראריג וכמסה עשר רטל כתאן מנהא כמסה לבית
15. אכתי וכמסה לביתך וכמסה לבית כאלתי אלחסנה ואדא תוגה הבה
16. פימא בעד . . . [ . . . . . . . . ] קליל כתאן ללגמיע ואמא חאלי
17. אנא [ . . . . ] . . . . . מן כתרה אלאשגאל פאללה תבארך
18. ותעאלי [ . . . . ] והו יפרג פי רחמתה ויעין ומוצלהא יעיד דלך
19. שפאהא וחצרתה אלסאמיה מכצוצה באגל אלסלאם ועלי מן ענדה
20. אלסלאם ועלי אכתי ואולאדהא אלסלאם ובוס עני עינין סידי ס[ . .
21. ואגעל אלפראריג ברסמה ורסמהא ועלי סלאמה וואלדתה אלסלאם
22. ועלי אבו עלי ומן ענדה אלסלאם ועלי אלשיך אבו סעיד אלסלאם

Recto, right margin:

1. וערפה שג[ל קלבי ב]מרצה בעיניה אללה ישפיה באלע[אפיה] ועלי כלף אלסלאם ועלי אלחסנה

Recto, upper margin:

1. ואמהא אלסלאם
2. ועלי בית בן כאלי
3. אלסלאם וערפהם
4. אן אלקמח אלדי להם
5. ענדי [ . . . . . . . . ]

Verso:

1. עלי הדה אלצפה אלגמילה למא וסעה ביאץ אללה תבארך ותעאלי יגעל
2. דלך בראיה ויצלחה לנפסה ומהמא סהלה אללה תעאלי אנפדתה
3. לה עלי יד הבה יסתעין בה עלי זמאנה אריד יצלני גואב הדה
4. אלאחרף בצפה אלחואיג אלדי יוצלהא מיכאל ובגמיע אלאכבאר
5. וגמיע אלאסעאר ואכבאר אלמחנה(?) נצרה אללה ואצפרה ושלום
6. אנפד לבית אכתי מן כל שי קליל קליל וערפני פי כתאבך דלך ושלום

Verso, address:

1. [. . . . . . . . . . . . . . .]
2. ] בחבורה [ . . . . . . ]
3. ואזאדה(?) פי גלאלתהא 
4. עבדה וולדה געל [פד]אה מן
5. אלאסוא
6. אמאנה מודאה