منحة في رسالة: T-S 10J9.31

S. D. Goitein, unpublished editions.

. . . . . . . . . . ]ת יא סידי ביע מא פ[ . . . . ] ען בכרה אביה סוא אלדאדגסה
ואלחאצל מן אלתמן מיתיי ותלאתין רבאעי באלתקריב חבה חבה אשתרי לך
בהא זעפראן באסעאר מכתלפה אוצלת גמיעה אלי אלשיך אבו אלחסן
אלכהן צאחבך ארגו אן יכון לה אעני אלזעפראן פי הדא אלעאם תמן ואפר
והו תעאלי אעלם ואחכם פאן ראית אלתרבץ בה פתפצל בדלך
ושרח אלביע עלי חאל נטאם ומא אשתרי באלתמן עלי מוגב אלחסאב
הו מתבת פי ורקה אלחסאב אלדי פי דרג הדא אלכתאב ואבו אלחסן אל
מדכור הו פי מרכב בן אלבלדי הו למען שמו וחסדו ינעם באצחאבה
אלסלאמה ויוצל אליך אלשי אלדי יכצך אליך חסב מראדך ויבארך לך
פיה ופי מא . . . לך איאה מן אלנעמה וכל עמו ישראל ברחמים מלפניו
. . . . . . . . ] עליך יא סידי אפצל אלסלאם ואטיב [ . . . . . . . . . . . . . . . .
אחינו למגדול ועד קטן שלום שלום. ואתה שלום וביתך שלום
כתבה מצליח בן אליה יל

T-S 10J9.31 1r