رسالة: F 1908.44GG
رسالة F 1908.44GGالوصف
Letter from ʿAllān b. Yaḥyā, in Alexandria, to Mūsā b. Abī l-Ḥayy. In Judaeo-Arabic. Dating: ca. 1080 CE. According to Gil, the handwriting is that of Natan b. Nahray. Based on the content of the letter, he suggests that it was written shortly before T-S NS J137, a letter from Natan b. Nahray to Mūsā b. Abī l-Ḥayy. Evidently ʿAllān was a relative of both Natan and Mūsā. This letter deals with the matter of the wheat that ʿAllān is in charge of dispensing to Avraham, Mūsā's brother (the same matter mentioned in multiple letters from Avraham to Mūsā, complaining that ʿAllān is not giving him enough wheat or money). Information from Gil.
Edition: Gil, Moshe
Translation:
F 1908.44GG recto
النصوص المفرّغة
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.recto
-
כתאבי אטאל אללה בקא מולאי אלשיך אלגליל ואדאם תאידה וסלאמתה ונעמאה
-
וכבת אעדאה מן אלמסתקר ליג כלון מן שבט כתמה אללה עליך ועלינא
-
באחסן כאתמה ושוק אליך קרב אללה אלאגתמאע אלסאר במנה וגודה אנה
-
ולי דלך אעלם מולאי אן וצלת בעד משקה בחר יבר ווגדת אלכל עלי
-
חאל אלסלאמה נחמד אללה דאך אלאמר אלדל כנת בקיל לך יכאן קל[בי]
-
משגול מנה קד צח לי דלך פאסל מן אללה אן ינצר אלי ויחסן [
-
מא אנא פיה אנה סמיע מגיב ומא ימכני אשרח לד אכתר [מן]
-
דלך וקד אנפדת כלף אלאהל צאנהם אללה יכרגת תדכרתך וקריתהא
-
[על]יהם וקאלו מא ציענא לה שי וראיתהם יקולו נסאפרו אליה אדא שא
-
וראית חאלהם מא הו גיד מן אלצעף וקלת אלמקדרה תם למא כאן יום אל
-
גמעה גא אכיך כלפי מצית מעה לביתך קאל אכרג לי אלקמח ומא
-
בקי פיה קדרה אחתגת אן זולת תיאבי ומילת אלגראבין ותעבת
-
ואללה פיהא וכרג קמחהא טיב מא פיה שי וגא וכרג אלכל מא וגד
-
פי אלגראב שי תם דכרת פי כתאבך אן תכרג להם גראבין מן אלגדיד
-
יכלטוהא קאלו לא תכרג לנא של חתי יפרג האדי וקד דפעת להם נצף
-
דינ ואנא נדפע להם אלנצף דין אלתאני כמא דכרת וכאטבת אכיך
-
פי דכאן אלשיך אבי אלחסן עלי אלמצחף אלנבי אלגיד אלדי לך וקאל
-
מא נרדה לאן פיה יקראו אלצביאן וקאל קד כתבת לה פיה פאן סהל עליך
-
דיך ואלי תכתב אלי נאכדה מנה שא ואנא וקד קלת להם אדא
-
ביצתם אלגזל ועמלתם אלרדאת תאכדו מא יקום בכם לנסאגה
-
ואלרקאמה וקד קאל לי אכיך אן כתבת לה בגמיע שרה אלאשיא אלשב
-
מא וצל מנה שי והון קום רום ונן נערצה עליהם לעל אללה
-
ינבאע מנהם שי ואנא מא נפרט פי דלך אלקפה אלניל קד וצל
-
יומי האדה קאפלה תאניה פיהא ק קפה ומא הי תנבאע הנא פאן
-
כאן לך ניה תכתב אלי איש בעמל לך פיהא ואן אכתרת נקסמהא אנא
-
אפעל דלך אלדנא אלדי תרכת ענדך אכרגת עני מנהא ד דנא
-
ותאכד מנהא חק אלנביד אלדי לד ענדי ותדפע אלבאקי לר אברהם
-
אל[ק]לעי בעד אן תאכד לי מנהא
الترجمة
F 1908.44GG verso
verso
-
בנצף דינ סכר וברניה ירד מרבא מן אלשיך אבי יצחק יכון פיהא ד ארטאל
-
לאני סאלתה פיהא אלסנבל מצית פיה לסוק ערצני פי דכאן בניאם
-
אבו אלפרנאס סוי מנין אלי וקיה דינאר ותלת ולם לביעהא אחב אן
-
תעלמה בדלך פאן אכתאר אן יביעהא יפעל מא יראה וצאחבהא מחתאג
-
אלי כרובה וקד עז עלי ונופי אלוליד אלדי כאן עבדה אללה תעאלל יכלף עלי
-
קלבה יקד קלת לה אנא בקרצך מן ענדי דינאר חתי יצל כתאב אלרגל פלא
-
תגפל ענה ואלחואיג אלדי תרכת [פי] ביתך לא תפרט לי פיהא ואלקראב
-
אלדי לשראב לא תפרט לי פיה ואלסלה לעל תנפדהא לי צחבה ר אברהם
-
אעלמת מולאי דלד ותכץ עמ מולאי אלשיך אבו יצחק בן טיבאן וולדה
-
אלסלאם ואלשיך אבו עלי בן סלמן אלסלאם ואלשיך אבו אלחטן יכצר אלסלאם
-
ולא יכון בד מן כתאבך ואחב מן תפצלך אן תקרא עלי מולאי שר השרים סלאמי
-
ותבסט עדרי ענה לאבי גאני אלטפר גת ולם נמצי אליה ולם נגתמע
-
בה וקד אנסית אן בסאלך פי דלך פלא תגפל ויצלני דלך פי כתאבך ושלום וקד
-
סאלת הלאל אלאטראבלסי ען אלגונה אלדי תרכהא ענדה אברהם פקאל מעי
-
תדכרה חתי נכרגהא ונערפך ואנא נגעלה יכרגהא ונכתב אליך בדלך ושלום
verso - bottom margin - address
-
סידי ומולאי אבי עמראן מוסי בן אבי אלחי נע שאכ<ר>ה עלאן בן יחיי נע
-
אטאל אללה בקאה ואדאם תאידה ו[נ]עמא[ה]