رسالة: T-S 10J16.19
رسالة T-S 10J16.19العلامات
الوصف
Letter from Sa'dan b. Thabit al-Baghdadi from Tripoli to a colleague in Cairo asking him to take care of his son, whom he had sent abroad at the son's request, and to instruct him in commercial matters. Address on the verso gives the names: Abu al-Afrah 'Ar[us] b. Yosef and Yaʿaqov b. Nissim. Dated ca. 1130. (Information from and partial translation in Goitein, Letters, pp. 255-257)
Edition: Goitein, S. D.
Translation:
T-S 10J16.19 1r
النصوص المفرّغة
S. D. Goitein, unpublished editions.- כתאבי אטאל אללה בקא מולאי אלשיך אלגליל ואדאם עזה [ . . . . . . . . . . . . . . . . . .
- ורפעתה ותמכינה וכבת באלדל חסדתה ואעדאה מן אלמסתקר טראבלס אל[גרב
- ען חאל סלאמה ונעמה ושוק שדיד לטלעתה אלסעידה אדאמהא אללה לה בר[חמתה
- פאסל מן אללה גל קדרתה אן ימן בקרב אלא[גת]מאע בה עלי אפצל אלאחו[אל
- ואל[ . . . . ] עליה אן שא אללה [ . ] מא אעל[אה אן . . . . . . . . ] אללה [ . . . ]יה א[ . . . . . . . . . . .
- אדע אלסואל ענה פי כל אלאוקאת ולא ען גמיע אחואלה ואסבאבה פיבלגני [ . . . . . מא
- יסר קלבי וימלאה פרחה פאסל מן אללה תעאלי אן יזידה מן פצלה ואחסא[נה עליה
- ידל ענה ענאיתה וענא וכל ישר ומא אעלמה אן וצל אלסנה פי אלמראכב [ יהודה
- בן כגק מרנא ורבנא יוסף זצל ודכר לי מא שאהדה מן מולאי ומן מאלה [ . . . . .
- אנפאסה אלשריפה מע מא אנני אערפהא מן קבלה פאסל מן אללה אן יגעל דכרה
- משהור באלפצאיל ואלמחאסן ואן לא יעדמה הדא אלשם ואן ירזקה בן זכר
- ויגעלה מתלה ואפצל אמן רב אלעאלמין אעלם מולאי אנני אתפק מן אלאתפאק
- ואנא על[י] נביד טלב מני ולדי אלספר פחלפת לה לא בוד ממא תסאפר אלסנה
- אלא אן לם יתפק מרכב אסאפר פשא אללה תעאלי ואנפדתה ואוציתה אן אתפק לה
- אלטלוע למצר אן לא יכאלף מולאי פי מא יאמרה בה ואשתהי מנה אן לא יכליה
- מן ראיה ויתפצל לעל יתוקע לה בהאר לך גריק ישתריה לה ואן לם יתפק
- לה שראה ואנחדר וחסן ע מולאי יודע תמנה ענדה אלי אן אתוקע שראה
- וישתרי לה וינפדה לה פיפעל פי דלך ראיה ותשתרי לה מנין קשר קרנפל
- ואן כאן גאלי פיכון מנא ורבע מן גוזא ורבע מן עוד וסט ברסם אלבית
- פעלת מתפצל לא עדמני אללה בקאה ולא כלות מנה ואן יחבסה עלי אצדקאה
- ואשתהי מן מולאי מא כאן לה מן חאגה ישרפני בקצאה לאני פארח טאר
- בכרמה תכון לה ואן לא יקטע כתבה עני פי גמיעה ואיגה כצצתה באפצל
- ויכץ עני אלשיך אבו יצחק צהרה אפצל אלסלם ומן תשמלה ענאיתה אלסלם אלסלם
الترجمة
T-S 10J16.19 1v
Verso. Address.
]אלשיך אלגליל אבו אלאפראח ער . . שאכר תפצלה יעקב בן נסים נע
בן יוסף נע
] אדאם עזה
