منحة في رسالة: T-S 10J15.23
رسالة T-S 10J15.23- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- S. D. Goitein, unpublished editions.
- Relation to document
- Digital Edition
صورة
النصوص المفرّغة
الترجمة
Editor: Goitein, S. D.
T-S 10J15.23 1r
S. D. Goitein, unpublished editions.
- יצל הדא אלכתאב אלי ס"ת אלפצלה(!) אטאל אללה בקאהא ואדאם עזהא
- ונעמאהא ומן חסן אלתופיק מא אכלאהא ואגמעני ואייאהא עלי
- אסר חאל אן שא אללה בפצלה וכרמה וחק יסת אלפצל לקד סררת
- בכלאצך וקיאמך למנזלך ברוך עלי הדה אלנעמה אלעטימה
- אסאל מן אללה תבארך ותעאלי דכרה אן ירזקני אלדי כנת אטלבה לך
- פי בית ופי וקת פתוח ספר תורה לחאל תחסבי אני //כנת// אדעו עליך
- ויא סת אלפצל אכסרי אלשר ואטלבי אלשלום ואנא אפרח בולדי איש
- אול מא גת אבנה אבגצהא חאשי מן דא[לך בל א]קול נעם אללה
- נציבי והו סימן טוב עלייא ועליך ואסעה אן זילי מן כרהייתך לי
- ולו כאן גא בדלהא אבן ווצף פיה מן אלחסן כתיר מא אגי ולא
- אבצרה מא הו תגבר עלי ולדי אלא לכראמה בגצתך //לי// אסאל מן אללה
- תבארך ותעאלי דכרה אן ינח אלשר מן ביננא ויטרח אלכיר לנא
- קרית עליך אלסלאם ועלי כל מן ענדך אלסלאם מן כביר אלי צגיר
- ולו קצר אלורקה כנת אסלם עלי כל ואחד מנכם באסמה ו
T-S 10J15.23 1v
Verso.
- ולא תחסבי אני אקעד פי אבאר אלא מדה אן יגיני פיהא [[אלאכבאר]]
- גואב אלכתאב אלדי סיירת לסיידנא אלרייס נצטלח ונרגע נתקאטל
- כל סאעה מא הו טייב והולא עשרין דינאר ולא אקל סוא מקדר/א/ מא יטיב
- עישך ועישי
