منحة في رسالة: T-S 10J12.16
رسالة T-S 10J12.16- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- S. D. Goitein, unpublished editions.
- Relation to document
- Digital Edition
صورة
النصوص المفرّغة
الترجمة
Editor: Goitein, S. D.
T-S 10J12.16 1r
S. D. Goitein, unpublished editions.
Recto:
- שלום רב לאוהבי תורתך ואין למו מכשול
- שלום שלום לרחוק ולקרוב אמר ייי ורפאתיו
- אלדי אעלם בה ולדי ואלעזיז עלי וענדי גמע אללה שמלי בה קריב עלי מא יחב וירצא וכן
- יהי רצון ואלדי אעלמך בה אני לו אכדת אצף מא אנא פיה למא חותה כתב מן
- אלנאר ואלוחדה ואלוחשה ואלחדר עליך ואלנאר אלדי כליתני עליהא יום אלגמעה פהי
- פי כל וקת תגדד פלא חילה פי חכם אללה ופי אלליל אלמנאמאת אלמזעגה ואלסהר ומא
- תחתאג וציה פאן לא תטול אלגיבה לילא יתלף בצרי באלגמלה ואוציך אן לא
- תפרט פי רוחך ולא תשרב נביד מן אגל מרצך ואכאף עליך אללה יכפי מן אל
- מרץ פי אלגרבה פאללה תעאלי יחסן אלעאקבה ברחמתה ואסאלך באללה תעאלי
- יא ולדי אן נגז אמרך פלא תתאכר ען אלמגי פלו ראית מא אנא עליה פי אלנום
- לאזעגני פכיף אן יכון דלך פי אליקצה ותגעל צחבתך מע אלסלאמה אן שא אללה
- קצעה ושיתה ומשט גייד ומלעקתין [[ומל]] וכדלך בדרהם מרארן (או: מדאדן) יכונו חמר
- לאם אבו אלבהא וטאהר יכצך באלסלאם וכאתב הדה אלאחרף אנא אלעבד
- אבו מנצור אללה אלעאלם וחשתי מנך ופרחי במא יצל מן עאפיתך וסלאמתך
- אללה תעאלי יגעלך פי חרז אלסלאמה ואלעאפיה אבדא וכן יהי רצון ויאמן עלא עבדה
- יצל תפצלך פי כתב עדידה ואשתגלת אלתשכי ללחצרה במרצי פאן עלם אללה
- אלי אלאן אלחמא מעי פאללה יפרג ברחמתה וכנת אשתהי מן תפצלהא אן תכברני
- באכבאר אלשיך אבו אלוחש סבאע דכרה אללה בכל כיר ומן סמע ומא גרי מן אמר
- אלכתאב ואן כאן אנפד לה גואב תערפני ואמר אלמצחף אלתורה אן כאן חצל לה
- פתתפצל תכתב לה כתאב תקול לה אן כאן קדר יסתעיר כתאב רבינו בחיי חתי
- אנחדר ואתמה ענדה לילא ילומני עלי עאקתי ענה פבאללה עליך אלחרץ אן תאכד
T-S 10J12.16 1v
Recto, right margin, diagonal lines:
- לי כתאב מנה
- באלדי פי נפסה פאן אראד
- אעטל אלכתאבה ואכד אלורק ואגי
- פעלת ועלי כל חאל מא אראד תבעתה
- פתאכד עליה פי כתאב ינפדה לי אמא אליך
- תנפדה מע כתאבך או ינפדה אלי סוק אלעטארין
- דכאן אלכהן אלסקלי או לסוק אלכביר דכאן
- אבו אלפרג אלשראבי פאנא משתהי
- לאן אעלם גרצה אתבעה
- באלפצל מנה ואללה תעאלי יגמע
- אלשמל בה ובהא עלי אסר אל
- אחואל ואעלי אלאמאל בעזתה
- ורחמתה וגזיל נעמתה וכן יהי רצון
- ושלומך לעד יגדל וכבודך יגדל
- ויקרך לא יחדל אנס
- וכן יהי רצון אמן
- וסת אבו אלבהא וגמיע
- אצחאבנא יכצ[וך באלסלאם
Verso, Judaeo-Arabic address:
- יצל הדא אלכתאב אלי תגר אלאסכנדריה חמאהא אללה תעאלי יסלם ללשיך אבו אלמחאסן
- אלתלמיד אלמצרי אלי פנדק אלקמרה בלג תוגר סלם תסלם
- מן ואלדתה לא
- עדמתה
Verso, Arabic address:
- الى الاسكندرية [[فد]] فندق القمرة يسلم للشيخ الاجل ابو المحاسن التلميذ المصري
- حفظه الله تعالى سلم تسلم بلغ توجر
- من والدته لا عدمته
