رسالة: ENA NS 22.20
رسالة ENA NS 22.20What's in the PGP
- صورة
- 1 Transcription
الوصف
The writer addressing his first cousin, a woman, who probably was his in-law, expresses the wish that the extended family may be reunited in one place. He assures the mother of his wife that her daughter lives in comfort and asks her to send her daughter some of the copper vessels and clothing, parts of the dowry, which had not been delivered yet. (Information from Mediterranean Society, IV, p. 297; V, pp. 47, 525)
صورة
النصوص المفرّغة
الترجمة
Editor: Goitein, S. D.
ENA NS 22.20 2
S. D. Goitein, unpublished editions.
- ש[. . . . . . . . . . . . . . . . . . . . . . . . . . .
- אנני [. . . . . . . . . . . . . . . . . . . . . . . .
- מן אלכיר ו.[. . . . . . . . . . . . . . . . . . . .
- ויגעלהא עלי [. . . . . . . . . . . . . . . . . . . .
- בחיאתך ויק.[. . . . . . . . . . . . . . . . . . .
- ויוקף להא תואב[. . . . . . . . . . . . . . . . . .
- פאלבארי תע עאלם פ[. . . . . . . . . . . . . . . .
- אלביתה ונורהא ואן שקוק [ע]ן [. . . . . . . . . . .
- מסתגמעין פכמא פרקנא פי אלבלאד [. . . . . .
- טי אלאראצי כדאך יגמענא פי מוצע אן יכתאר
- כמא ועד פי כתאבה עלי יד נבייה עלי אלסלאם כי
- אם יהיה נדחך בקצה השמים משם יקבצך וגמ
- ויטמן קלובנא וקלובכם מן השמועות אשר אינם
- טובות ויפעל מענא ומעכם למען שמו הגדול
- לאן נחן בין שני האריות יצילנו מהם שנ ואף גם
- זאת בהיותם בארץ אויביהם לא מאסתים וג
- פנשתהי אן לא תקטע [כ]תבך ואכבארך [. . . .] לאן
- אדא חצל כתאבך קאם ענדנא כמשאהדתך ותקרי
- סלאמי לאכוך אבי אלמפצל תפצל אללה עליך ועליה
- באלרחמה ואלענאיה ואלסלאם אלתאם עלי ואלדך
- אלשיך אבו מנצור ועלי אהל ביתה ועלי עמך אלשיך
- אלאגל אבו סהל ותבוס וגהה ותערפה כתרה שוקי
- אליה ועתבי עליה חית אנני סיירת לה כתאבין ולם
- וצל לי גואבהן ותכליה [י]סייר אלמרוד מע שכץ
- אמין ואלסלאם עלי ולדה אבו . . .
ENA NS 22.20 1
verso
- אבן עמך ופקה אללה תע ושאהדנא פרחה ועלי ואלדתך [ו]עלי
- אכיה אלצגיר ועלי אלשיך אבו סרור בן עמתך ופקה אללה תע
- ועלי עמתך איצא ואלסלאם אלתאם עלי סת אלמעאני
- בנת עמי ופקהא אללה תע וערפהא אן בנתהא סת אלעלם
- פי אלף נעמה לם תעוז סוא נצרהא ותסאלהא אן
- תסייר קמאשהא לאנהא מכשופה מנה ואלמניאר
- ואלאבריק ואלטסת והי מחתאגה להם ומגבונה פיהא
- לה יכון פי ביתהא טסת נחאס או אבריק ותקדם קדאם
- זוגהא אבריק פכאר פחצל להא כל וקת כצאם
- ונכד מן גהתהם ואיצא אנהא ואלש. . . .ם מן
- גהתהם ימממא(!) אן מא בימסרה אן יסייר אלי
- ענדכם רסול אמיר מן אלאמרא בכט ואלי מצר יואלי
- אלקאהרה מע אלרסול פהו יגיכם ומא יברח אלא
- באלקמאש ואלנחאס ומא בי עיקה ען דלך אלא
- ותנא והי ו.י תסאל אמהא ותחלפהם בכאלק אלוגוד
- אן יסייר להא שייהא ואלסלאם עלי יוסף ונסים
- ואלסלאם עלי אבן עמתי מוסי ופקה אללה תע ואלסלאם
- עלי עמתי אם דוד ועלי צגארה [. . . . . . . . . . . . .
- ואלסלאם עלי עמי אב[. . . . . . . . . . . . . . . . . . . . .
- ואלסלאם עליכם [. . . . . . . . . . . . . . . . . . . . . . .
