رسالة: ENA NS 22.17
رسالة ENA NS 22.17العلامات
الوصف
Letter sent by Yaʿaqov b. Nissim to his brother Abu al-Khayr. The letter contains an account for raw Susa cloth, sent from Fustat to another town for treatment, 12 dirhams, plus 2 dirhams for the bearer, all paid in advance by the writer, who asks the recipient not to deliver the cloth to the proprietor before he had settled the bill. (Information from Mediterranean Society, IV, pp. 178, 179, 408)
Edition: Goitein, S. D.
Translation:
ENA NS 22.17 1
النصوص المفرّغة
S. D. Goitein, unpublished editions.- בש
- כתאבי אליך יאכי ואלעזיז עלי וענד[נא
- אטאל אללה בקאך ואדאם נעמ[.
- לו דהבת יאכי אשרח לך מא
- לחקני פי הדה אלספרה לכנת
- תרי ללדהר עגב עלי סלאמה
- ואקל מא לחקני אני אקמת פי
- פי כום אלבלך ארבע איאם
- וחדי מעייד פי וסט אלבריה
- באלגוע ואלעטש ואלכוף וכאף
- כל מן פי אלבלד למא אן דכלת
- יהנוני באלסלאמה ומא חצל לי
- אכתר מן ט אראדב קמח
- בעד אן עני אמות מן גהתהא
- והי מא תכפא ואשתהי מנך אן
- תערפני סער אלגלה פי מצר
- כיף הי כאני לא אכד אן אכרג
- שתרי קליל אן אכד בעד אלעיד
- ומא תערף [ב]מא עלי קלובנא
- מן גהתך פי הדא אלמועד ומא
- אעתקדת אלא אנך תקום בימינך
- ולו עלמת אנך מא תקום בימינך
- מא כליתך תסאפר ווחק אלכרי[מה
- לקד אלדי ענדי פי אלבית
- מא תערף איש עלי קלובהם
- מן גהתך ורגעו עליהא . .
- וקאלו לי כנת מסאפר
right margin, straight lines, 90’ to main text
חראם כנת תטלע אלי מצר תקדר מעך תעידו כלכם ומא תערף מא עלי קלובנא
מן גהתך ואנא מהני לך . .[. .] אלמועדים אללה תעאלי יעידהא עלינא ועליך סנין בכתרה
top margin, diagonal, upside down
ואן יגמע ביננא | ובינך פי כיר ועאפיה | אעלמך אני וגהת | צחבה
חאמל הדא | אלכתאב שקה סוסי | תתפצל תאכדהא | ותכליה [לא
الترجمة
ENA NS 22.17 2
verso
- יכרגה/א/ מן ענדה חתי יאכד
- מן צאחבה יד דרהם יב
- חק צפו וקצארה וטרז וואגב
- באב ודרהמין חק אלדי וצלהא
- אלי מצר והו חאמל הדא אלכתאב
- ולא תדפעו לה חבה לאנה אכד
- חקה מני ואשתהי מן חצרתך
- אכד כאלך אלדראהם מן צאחב
- אלשקה יסתופי ג אלדי בקית לה ויבקא
- יא תתפצל [[. . .]] תאכד לי בהא
- ותציף מן ענדך אלבקיה רבע
- קנטאר צהוד גיאד ואריד מנך
- אן תתפצל תוגה לי קליל רטב
- אמהאת ובאקתין נופר ואדיהא
- קבל אלעיד ומא תחתאג וציה
- וכאן עלי אני אוגה נ ספרגלה מא
- וגדת מן יאכדהא מעה ואנא אן שאללה
- אוגהא פי מא קרב קראת עליך
- אלס תכץ כאלך אפצל אלס ותכץ
- עני סת נעם אלס ונסים יקריך אלס
- ומן ענדי פי אלבית יכצוך סלאם
- ומא תערף מא עלי קלובהם מן
- גהתך וכרימתך ואכוך ויכצוך
- באלס ותכץ עני אלשיך אבו אלחסן
- והרון אלס ואבו עלי בן אלקציר ואכוה אלס
- אכי ואלעזיז עלי וענדי אלשיך אכוה וקיה
- אבו אלכיר בר נסים נע אלסו פיה יעקב
- אטאל אללה בקאה בן נסים
