رسالة: Moss. Ia,29
رسالة Moss. Ia,29العلامات
الوصف
Letter from Yefet b. Menashshe b. al-Qaṭa'if to his brother Ḥalfon b. Menashshe. Yefet has sent with Efrayim a vessel containing 20 dirhams of lizard droppings and Ḥalfon is to try to sell them. There are lots of other instructions about small transactions and letters to be forwarded. Yefet mentions the person (Yūsuf al-Qallā'?) "who was your doctor in Fusṭāṭ." Yefet sends greetings to Sitt Naʿīm, who it seems is none other than Ḥalfon's wife (see Wagner, E. (2007). Ḥalfon’s wife, Mosseri Ia.29. [Genizah Research Unit, Fragment of the Month, July 2007]. https://doi.org/10.17863/CAM.40294). ASE.
Edition: Elbaum, Alan
Translation:
Moss. Ia,29 1r
النصوص المفرّغة
Alan Elbaum, unpublished editions (n.p., 2020).recto
- בש
- לו דהבת אשרח בעץ מא ענדי מן אלשוק ואלארתיאח אליך
- יאכי וסידי ואלעזיז עלי אטאל אללה בקאך ואדאם
- עזך וסעאדתך וסלאמתך לטאל אלשרח פיה וכאן לסאני
- יזל ען וצף בעצה ואלי אללה ארגב פי . . . . קרב אלאגתמאע . .
- במנה וגודה וקד כנתא עלמתך בגמיע מא אנפדתה
- אנת ומולאי אבו אלסרור אחיאה אללה אנה קד וצל ולא
- חאגה אלי אעאקתה ואנפדת צחבה אפרים פי ברניה
- וזן עשרין דרהם בער אלצב תתפצל תביעה במא
- סאהל אללה וזן ה׳ דראהם ה׳ דראהם ללאטבא אלכחאלין
- ותציף תמנהם אלי תמן אלאמראד (?) ואלדהונא (?) ותשתרי בה
- איש מא סאהל אללה מן אלדי כנת כתבת לך ותנפדה לי מע מן
- תראה אן שא אללה וכדלך כנת סאלת זכר (?) בן גאלב שצ יאכד לי כתאש (?)
- עמן (?) יראה אלי מולאי אלקאצי פי אמר אלדכאן פלעל תדכרה בדל[ך]
- ותגעלה מן המתך פלעל יאכד לך שי קבל דכול אלסנה ותעלמ[ני]
- אן קד דפעת אלדראהם תמן אלאכר לואלדתה כמא אמרני ואנא אן
- שא אללה אוצל להא אלבקיה וכדלך אנת איצא אן קדרת לי עלי
- כתאב ממן תראה אפעל ולא תתואנא פמא עליך פיה צרר
- וקד אנפד יוסף אלקלא לואלדה צחבה עמראן אלסגלמאסי עשרה
- דראהם תוצלהא לה ותאכד לה כתאבה בוצולהא ותנפדה לי
- צחבה כתאבך והו אלדי צאר יטבך פי מצר אלעדם (?) וגירה
- לא עדמת אבדא תכתץ אגל אלסלם ומן תחוטה ענאיתך
- אלסלם וקד אנפדת כתאב אבו אלמנא לואלדה צחבה כתבך
- תתפצל תוצלה לה ותאכד לה גואבה ועשה כחכמתך ותחרץ
- עליה לעלה ינחדר לולדה עלי חסב מא תראה וואלדתה
- וכואתך יכצוך אגל אלסלם ואפצלה ותכץ סת נעים ענא
- גמיע אגל אלסלם ואפצלה ותכץ מולאי אבו אלסרור
- ענא גמיע אפצל אלסלם ושלומכם יגדל נצח סלה
الترجمة
Moss. Ia,29 1v
verso
- אכי וסידי ואלעזיז עלי אבו סעיד חלפון
- בר מנשה נע בן אלקטאיף אטאל
- אללה בקאה ואדאם עזה ונעמאה
- אכוה געל פדאה יפת בן
- מנשה נע בן אלקטאיף אמאנה
- מודאה אן שא אללה עז וגל
