منحة في رسالة: ENA 2738.34
رسالة ENA 2738.34- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- S. D. Goitein, unpublished editions.
- Location in source
- 6D.2.3 ENA (2348-4010) pt 1/ENA 2738.34
- 6D.2.3 ENA (2348-4010) pt 1/ENA 2738.34
- Relation to document
- Digital Edition
- الطبعة
صورة
النصوص المفرّغة
الترجمة
Editor: Goitein, S. D.
ENA 2738.34 2
S. D. Goitein, unpublished editions.
- כתאבי אליך יאכתי אלעזיזה עלי אטאל אללה בקאך ו[אד]אם סלאמתך וסעאדתך מן אלאסכנדריה
- סלך אייר ואלחאל סלאמה ועאפיה ואלחמד ללה וחדה ואלדי תרידי עלמה אני משגול אל
- קלב מן גהתך לאני מא ראית מנך כתאב מן יום כרגת מנך ומן גהה סת קלבי איצא אנא
- משגול אלקלב ומן ג[הה] סתית אחיאהא אללה וגעל מנהא אלכתרה ונרגו אן יכון דלך
- שגל כיר ואן תכון פי חיז אלסלאמה ולם נעדם מן אללה סוא אלנצר אליכם
- גמע אללה ביננא עלי אסר אלאחואל וקד טלע[ת] אלי מצר ודכלת לאבן עלאן פקבלני
- וסאלני ען אחואלי ואחואלכם וערפתה אן [. . .]אמי גירי וועדני באן ישגלני פי
- שגל וקד אקמת פי עאפיה מדידה [ו]בעד דלך תוגעת מרץ עטים אקמת
- בה שהר ורפע אללה תעאלי ולקית (או: ונקית) וברית וצח גסמי פללה אלחמד תעאלי
- פדכלת אליה בעד מרצי אתפק מות אכתה ואמה פאנפקת דריהמאת פי אלמרץ
- ואלבטאלה וקאל לי בעץ אצדקאי אכר[ג אלי] אלריף ואשתרי לך בדריהמאת לך כתאן
- פלמא ראית אן דלך צואב פעלתה פחצל[ת] בקטיעאתי עדל כתאן כתרי מן
- אלאסכנדריה וכ[נ]ת עלי תוגיהה אלי אלמהדיה פוגדת אלכרא גאלי ונחתאג אלי אגי
- אלי אלסלטאן ויתמחק עלי פאתפק עליה ראי אן נמר בי אלי אללאדקיה והי טריק
- קריבה מבארכה אן שא אללה ואן מא אתפק ספר אלי אין מא כאן סאפרת [[מעך?]]
- וקד קאלו לי אלנאס וגהה וארגע אלי מצר אלי ענד אלשיך אבי אלפרג בן עלאן
- פאן מא הו אנסאן יקול קול וירגע פיה וקום אכר יקולון אן אלרגל נדל
- שמח ואנה יסתכדם אלאנסאן סנה ועשרה באטל וכפת איצא אן נוחל
- פי כדמתה וננקטע ענכם ואלבלד דא פי (?) כתיר ויבה קמח בדרהם [. . . .
- כתיר ואנא פי גסמי פי כל עאפיה וסיידי אבי יחיי פי כל עאפיה [. . . .
right margin, diagonal, at 45’ to main text, upside down
והו יגי אל | מקבלה אן שא אללה | וארגו אן אכוך | . . . . ולם אגד מן |
יחמל לכם שי | ואלא פכנת | אוגה לכם | .ל. . . . . . | פולוג. | ואנא . . . |
לסתות ער.י. | ותערפוני | אחואלהא | ואנא מקים | באסכנדריה
חתי תצל | מראכב
top margin, diagonal, at 45’ to main text, upside down
ויצל אלי | גואב | אלכ. .[ | ואלסל[אם | עלי.[ | וס.[ |
קל.[ | . . .] | וגמי[ע | אל. .ל[ | אלסלא[ם |
ENA 2738.34 1
verso address, straight lines
אכתי אלעזיזה עלי אטאל אללה בקאהא אכיהא יעקוב בן סלימאן
ואדאם סלאמתהא יצל אלקירואן אן שא אללה
