منحة في رسالة: Bodl. MS heb. d 76/60
رسالة Bodl. MS heb. d 76/60- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- S. D. Goitein, unpublished editions.
- Location in source
- 6C.2.5 Bodleian (d68-d80)/Bodl. MS Heb. d 76_60
- 6C.2.5 Bodleian (d68-d80)/Bodl. MS Heb. d 76_60
- Relation to document
- Digital Edition
- الطبعة
صورة
النصوص المفرّغة
الترجمة
Editor: Goitein, S. D.
Bodl. MS heb. d 76/60 60 recto
S. D. Goitein, unpublished editions.
Bodl. MS heb. d 76/60 60 verso
- ב[שמך] עבדהא אבראהים געל פדאהא
- אלי אכתי ואלעזיזה עלי וענדי אטאל אללה בקאהא
- וגמע אלשמל בהא ען קריב וגיר דלך אנני כתי[רה]
- אלשוק אליכם אלחמד ללה אלדי לו מתנא כלנא[כם?]
- מא סאלתו ענא אלדי מא נסמע אכבאר[כם]
- אלא מן אלנאס ולולא חבלי מא כנת אלא טלעת
- נסאל ענכם ממא קד עיית מא ננפד כתב
- לם יגיני גואב לו אנה כצארה נפדתו קלתו
- אלחקונא מאתת כאלתי מא אעלמתונא
- מרצתי מא נפדתי קלתי אנא מריצה לו אנני
- עדותך לקד כאן יגב עליך תערפיני באכבארך
- מאת אבן עמי מא עז{י}תיני ולא עזיתי עמך
- יא מן דרא מן בקי מא חל האדה אלעדאוה
- תנדג (או תכרג?) תתפצלי תגי לאן אלדאר תלפת והי
- כאליה ונפזעו מן אלנזל לאן צאחב אלדיואן
- סכן בג/נ/בנא פי דאר יוסף וצאר שייכא ירוח
- מן פוק אלצטוח יאכדוה(!) אלגז ומא נקדר
- נתכלם חתי אבן אלסרוגי באע אלדאר מן
- גהת אלגז פסאלתך באללה אמא אן בליתי
- שוקי בך וגית נכוני כלנא פי מכאן ואחד
right margin, diagonal lines at 180 degrees to main text
ואלס[. . . . . | פחתפצל[י | חאגה וחגה | א. . . . . . .[ |
מעי וא. . . | תנצרי פי חאל | אלדאר וגא כתא[ב | יוסף יעלמנא |
אכבאר/כ/ם פערפ[נאה | אכבאר אסמאעיל | ואכבאר . . . . |
כלהם וסאלו | אבו אלחסן . .א. | ען ולדה מ. . | אלא. .אימתא
verso
- טמנו קלבנא מן גהתכום בחק אללה יאכתי
- עזי עני בנת כאלתי אלחאל אני כנת מריצה
- מא לחקת נכ/ת/ב לבנת כאלתי נעזיהא פי
- [אמ]הא וסאעה וקופך עלי האדא אלכתאב
- תנפדי גואבה ואיש מא כצרתי (או בצרתי?) למן יוצל
- אלכתאב אנא נזנה ומרצו אולאדי כלהם
- ואלגאריה מריצה אללה ירד אלעאקבה אלי אל
- כיר בחק אללה מא תחתאגי וציה פי אנפאד
- כתאב סרעה לאן עיני אלא אלטריק למן יגי וכל
- מא סמעת אנכם פי עאפיה אפרח וקד חלפת אני
- מא נפטר בנהאר חתי יגי כתאבך וקד הלכת
- מן אלציאם ולעל תכלי עוץ כתאבך תבצרי
- איש תעמלי פי קסמם (?) לאן אבן הלאל מא
- ינתצר אלא /א/בן אלקאצי יגי וקד נפד ואנדרנא
- באללה עליך תעאלי מן כל בד ואלסלאם עליך
- וקד כתבת כתאב לסת אלעלם תנפדיה ל[הא]
- ותכליהא תנפד גואב ואלסלאם
right margin, diagonal lines at 180 degrees to main text
ועלי] אלשיך אלסלם [ואבי | אלחסן ועלי | אכותה ועלי | ולדה ועלי |
אבראהים | ועלי כל מן [יסאל] עני | אלצגיר ואל[כביר | ועלי סידי . . . | וולדה |
. . . . . .] | . . . . . .] | . . . . . .] | . . . . . .] | ואכ[. . . . | לוא.[. . | מא[. . . . | כ.[. . . .
top margin, straight line at 180 degrees to main text
מפארקתך פבללה אחרצי פי אלמגי ושלום
address, bottom of the page, 180 degrees to main text
- [י]צל סוק אלצאגה יסלם לאבו אלחסן אבן אברא[הים] אלצאיג מן אל . . .
