منحة في ثيقة شرعيّة: Bodl. MS heb. b 3/8 + Bodl. MS heb. b 3/7

1. למא כאן יום אלתלתא אלתאסע ואלעשרין מן שהר ניסן אתקמג
2. חצר אלי [[בית דין]]//נא// אנו בית דין החתומים למטה תגאר בנת
3. מנצור אלבלביסי ארמלה מוסי בן גליב אלבלביסי ואבו אלעלא
4. [[אבן יוסף]] אלכהן אבן יוסף אלכהן אלבלביסי [[וג.]] ואדעת תגאר
5. אלמדכורה [[עלי]] אן לזוגהא מוסי אלמדכור עשרה קראריט
6. מן כד קיראט והו אלרבע ואלסדס מן דאר פי בלביס שרכה
7. לזוגהא ובקיה אלמלך למלאח אכת זוגהא זוגה אבי אלעלא אלמדכור
8. וליעקוב בן טאהר אלבלביסי ואן אלי קרא אלמדכורה באקיה
9. עלי מלך זוגהא אלמדכור אלי חין ופאתה ומנתקלה ענה
10. בעד ופאתה לאולאדהא מנה באלארת אלשרעי ואן בו אלעלא
11. אלמדכור תגלב עלי אלחצה אלמדכורה ואדעי פי אלמלכיה
12. בגיר חק ולמא אלתמס מן בו אלעלא אלמדכור אלגואב ען דלך
13. דכר אן אלד[אר] אלמדכורה ליסת הי מלך מוסי אלמדכור
14. בל כאנת מלך אמה ואנתקלת אליה באלביע ווזן אלתמן

Verso.

1. ולם יבק לאם מוסי אלדמכור מלך פי הדה אלדאר ולא אסתחק
2. מוסי פיהא ארת בחכם כרוגהא ענהא באלביע לה קבל
3. מותהא בעדה סנין ולמא אלתמס מנה אצהאר דליל עלי
4. מא אדעאה אצהר מן ידה כתב ערביה תשהד במא קאלה
5. ולמא אלתמס מנה ביינה בעידי יש דכר אן ליס לה ביינה
6. בעידי ישראל ואנה לם תגר עאדה גירה פי אלביוע ואלשריה
7. ללאמלאך פי בלביס אן יסתצהר במסטור עבראני חתי יעתמד
8. הו מתל דלך ולמא אלתמס מן תגאר אלמדכורה אצהאר ביינה
9. תשהד לזוגהא במלכייה אלחצה אלמדכורה אצהרת מן ידהא
10. ורקה עבראניה פיהא שהאדאת בדיני ישראל לם יתבת פי בית דין
11. צחתהא ולא בטלאנהא וכאן קד אנתהא אלינא אנו בית דין
12. כבר הדה אלמנאזעה מן מדה מתקדמה וכתב פיהא
13. באלבחת מן אהל בלביס ענהא פלם יצהר אלא מא דכר פענד
14. דלך ראינא אנו בית דין מע מן חצר פי מושב בית דין דנן באלמופקה
15. בינהם פי הדה אלדעוי בדרך פשרה למא ראינאה פי דלך מן

Right margin, perpendicular line.

אלמצלחה