منحة في رسالة: ENA 4100.24a
رسالة ENA 4100.24a- الاقتباس المرجعي
- Alan Elbaum, [طبعة وثيقة جينيزا رقمية] (n.p., 2024).
- Relation to document
- Digital Edition
صورة
النصوص المفرّغة
الترجمة
Editor: Elbaum, Alan
ENA 4100.24a 2
Alan Elbaum, [طبعة وثيقة جينيزا رقمية] (n.p., 2024).
Verso
- תדכרה לפרח בן עיאש במא יטאלב בה מולי אלפרנאס
- למוהוב בן סעד [[בן]] באן כאן בינה ובין עאלי בן ח[ס]ן
- אלואסטי //באבה פרח// עדל כרויא בתאריך צפר סנה אחד ותמאנין //واربعمائة//
- וזנה גרוי ארבע מאיה תמאנין ווזן פרח אלמקדם דכרה
- מא כאן עליה בתנייס מכסה והו דינארין ונצף ורבע
- יכון עלי מוהוב אלמקדם דכרה דינאר ואחד ורבע ותמן
- יקבצה מולאי אלפרנאס פהו וכיל עני פמא וצל לה
- פקד וצל לי וקד מצית אנא ואבו אלעלא וכשפנא
- דפתר אלוכיל ולם יכון פיה גיר מכס מצר פקט ו . .
- ואבו אלעלא וצאעד יערפו בדלך וישהדו בה והו קבץ
- . . . פי טראבלס עלי יד מולאי אלשיך אבו אלרצא מן דלך
- מכס אלמכלאה אלכתירה ותמן אלכישה ודכר אבו אלעלא
- באנה קאל לה [[תפ]] תקר במצר אלדינאר ורבע ותמן אלמדכור
ENA 4100.24a 1
Recto
- בין ידי אלשיך אל(!) אבו אלכיר צדקה ידכר לה אנא
- ביני ובין פרח חסאב אנא אחאסבה ולם יחאסבני
- בשי ואבו אלכיר צדקה שאהד בדלך ולם אסאפר
- חתי אמרת אבו אלעלא באן יתסלמה מן אלוכיל ודכר(?)
- לי באני קד אנסית(?) מוהוב חקה אלי חין וצולה [ו]אנת
- אכבר وحسبي الله وحده ואן אשתהי יבצר דפתר
- אלוכיל ימצי אלי מולאי אלקאצי אבו אלקאסם פהו פי סלתה
- ועלי/ה/ מכתוב צטר עבראני
