منحة في رسالة: ENA 3616.21
رسالة ENA 3616.21- الاقتباس المرجعي
- Alan Elbaum, unpublished editions (n.p., 2023).
- Relation to document
- Digital Edition
صورة
النصوص المفرّغة
الترجمة
Editor: Elbaum, Alan
ENA 3616.21 1
Alan Elbaum, unpublished editions (n.p., 2023).
Recto
- בשמ רח
- כתאבי אלי מולאי וואלדי אטאל אללה בקאה
- ואדאם עזה ונעמאה ומן חסן תופיקה לא
- אכלאה וקד כאן אנפדת אלי מולאי כתאב
- מע שבאת באן תכלי ואלדתי תזן לשבת
- אללאסין אלאביץ כם רטל יכון בעד אן
- תדפע מנה כמסה ארטאל אלי אלשיך אבו אל
- ימן בן אלבצלי ותתמן אלבאקי עלי שבת
- סער ארבעה עשר דינאר ונצף אלעשרה
- ארטאל ותקני מנה בחצרה אתנין מן אליהוד
- באן יסלם לי אלדהב פי אלצעיד בעד שהר
- ולא תתואנו פי דלך בושה ול{א} סבב וקד חצל
- לכם ולבית אכי אלמונה מן פצל אללה
- וקד סאלתך פי קליל חבר ודסת ורק גייד
- אללה אללה ולא תקטעו כברכם עני אללה אללה
- ותערף אלשיך אבו עמראן באן חצלת
- לה בעץ אלגלה ומא כאן למולאי אלואלד
- מן חאגה תכאתבני בהא כץ מולאי באתם
- אלסלאם ועלי ואלדתי אלסלאם ועלי כרימתי
- אלסלאם ועלי בית אכי אלסלאם ועלי
Recto - right margin
- אלשיך אבו עמראן בן גליב
- אלסלאם ועלי
- אלשיך אבו אצחק
- ומן ענדה
- אלסלאם
ENA 3616.21 2
Verso
- ותקול לשיך אבו אצחק באן יקף ויזן אללאסין
- וישהד עליהם בחצרתך אללה אללה ואללה
- יסהל עלי באלתכלץ אן שא אללה ותערפוני אכבאר
- הרון בן שמארי אן כאן במצר ואן כאן סאל עני
- וחדית אלמרגאן ושלום
Verso - address
- חצרה מולאי אלואלד משה
- ביר מצליח נע
- א[טאל] אללה בקאה
- עבדה וולדה
- אברהם ביר משה ביר
- מצליח נע
