Scholarship on Letter: DK 231.3 (alt: XI)

[ ע]ל שמך רח

[         חצ]רה מולאי אלשיך אלגליל אטאל

[   ] ונעמאה ותאידה ותמכינה

[   ] אלכתב אלואצלה מן חצרתה

[ ] כתאבנא מציבה עלי אלעאלם

[ יש]ראל הדה אלמחנה ואלנכבה

[     ]עה ואלואחד בלא [

[     ] בחר גלינה ומרכבין סאלמין

[     ] אחד אלמעדרה אנקלב

[           ] יום אלכמיס אלסאבע

ועשרין מן רמצאן וכאן פי<ה> מן אלבצאעה ימכן יכון

פי ג מראכב //יחצרון קק אלף// אמא מא בקי לי חאל מרגאן אל[ד]י

בעתה בנקצאן אלכתיר ואכדת בעצה ראונד

מישום מא תסוא שי ואלבאקי דנאניר אש[תרית]

אלבצאעה ואנפדתה מע אלדי וצל מן אלמהדיה

ומרת אלכל וכאן שרא אלבצאעה תק דינאר

גיר ארבעה דנאניר משתרא אלצאלח וטמעו בה

אלנאס ונחנא איצא מא יכון פי ק סנה מתל הדה

אלסנה לאגל דלך מא כאן אלא מרכב אלואחד ואיצא

וצל כתב מן אלמהדיה זאדת פי כל בצאעה פ[

דאר אלבארי דלר וכאן פי אלמרכב י מן אליהוד

מעהם אכתר מן * אלאף דינאר נזלו כלהם עריאן

לא כסוה ולא גטא ולא וטא ולא נפקה ותם מן כבאר

בלדהם והו עז עלינא אמא מן גמלתהם תופי עז

עלי אבו אלפצל אבן אבו אלימן אלדמשקי רחמה אללה

אלדי כאן מענא במצר ומא צאבו לה אלכבר וכאן מן

גמלה הדה תק דינ בצאעה כאן לכאצתי שכ דינ

ואלבאקי לבעץ אלנאס והו כאן חאלי פלא חילה מע

חכם אלבארי והו מקבול הקבה יתעלא עאקבה אל[י]

כיר אמא מא הו זמאן אלגבראן ואלכלף כל דרהם

ימר מן יד אלואחד בעיד ילתקי בה ואנא נסאלך

באן תעתדר מן אלאצ/ד/קא מא לי קלב ולא פכרה נכתב

כתאב אליהם ויקץ להם וישגל סרהם חתי ינבסטו

עדרי פי דלך כצצתה באפצל אלסלאם ועבדך שמחה

יקבל ידה וידי אלאצדקא כלהם ותכץ חצרה

מולאי אלשיך אגל אבו אלמפצל באפצל אלסלאם

[ ] אבו אלרצא ב[אפצל] אלסלאם וקלה אליום מן [ש]הר ונצף דפעת אלכתאב ובע ץאלאוגרה לסלמאן אלמכארי

[ ] מא וצל [ ע]רפתך בדלך ות[כ]ץ חצרה מול[א]י אלשיך אבו אלרצא בן כלאם באפצל אלסלאם

אלאצדקא כלהם מכצוצין באפצל אלסלאם ואיצא

אשתרית רטל חריר כזאש אלטיב אלמקשר

גיר ה דראהם ואנפ/ד/תה צחבה כרים קראבה

אבו עמראן בן שמלאס וציתה יסלם לדמיא[ט]

פי קליוב ערפת בדלך ואלדי נערפך אלי אלאן

מא קדרנא נאכד דרהם מן אבו מנצור אללה

יאכד חקי מנה אשתהי תערף בדלך למולאי

אלשיך אבו אלמפצל לעל יכתב אליה כתאב ויחשמה

ואיצא תעופני איש עמל מע אבן סמן טאב

וגואב אלכתאב סרעה ואן כאן חאגה תערפני בה

שלומך ירבה לעד

ואלי אלאן מא גאנא געפרי ומא וצלני כתאבה ווצלנא

נאס ומא אנפד לי שי אללה ביננא ובין אלדי ימסך

ולא כתב אללה סלאמתה ואללה יחכם עלי אלצאלם

ואיצא מציבה אלאכר אלדי מא כאן פי אלחסאב אנכסר

אבו אלמעאלי אלצארפי אליום ובאלעשי מאת ולנאס עליה

אלף דינ ומא טהר לה דינאר אלואחד ולליהוד עליה

שש דינ ולי אנא עליה כז דינ ומרת אללה יכלף ותכץ

חצרה מולאי אלשיך אבו נצר בן שעיא באפצל אלסלאם וקלה

אלשמע חצל תמנה בעד אלואגב ז דינ וקיראטין וכאן

למכתאר ז לינ וסדס ותמן בקי עליה ה קראריט ו[ ]

[ ] אלחסן מן אבו אלמפצל תמן בקי לי ענדה ה[ ]

דינאר ואיצא אשתרית מקטעין מן ענדי והו ענד אל[ ]

קצאר אדא כרג אנפדתה אליך ונדכר פי כתאבי מ צא[ ]

ואיצא נסאלה יביע אלחגרין אלטאחון ואנא מחתאג אלי

תמנה ואנ[ ]ת אלמקאטע שלום רב

חצרה מולאי אלשיך אלגליל

אבו אלעלא צאעד הלוי נאמן [ ]

רצוי הישיבה בר יוסף נע

אדאם אללה עזה ונעמאה