Legal document: BL OR 5566D.24 + T-S 10J16.8

Legal document BL OR 5566D.24 + T-S 10J16.8

Tags

Input date

In PGP since 1988

Description

Copy of a court record from Aden. Dating: Summer 1131 CE. Concerning a controversy over Jewish communal leadership in Yemen. Goitein thought that this copy was made in the hand of Ḥalfon b. Netanel ha-Levi, but Friedman doubts this. It is not a direct continuation of T-S 20.37, but it concerns the same controversy. Namely, a Persian Nasi who was a cousin of the Exilarch in Baghdad had come to Aden, and the Yemeni public received him with respect and handed over to him the synagogue and religious affairs. He annulled the practice of mentioning the authority of the head of the Palestinian Yeshiva (at that time Maṣliaḥ Gaʾon, based in the Egyptian capital) in prayer and legal documents. The foreign merchants, such as Ḥalfon b. Netanel, opposed this. (Information from Goitein, The Yemenites, pp. 67–68 and Goitein and Friedman, India Book IV; Hebrew description below.) VMR. IB ח7 (ד6+ד7).

T-S 10J16.8 1r

1r

Transcription

S. D. Goitein, The Yemenites – History, Communal Organization, Spiritual Life‎ (in Hebrew) (Jerusalem: Ben-Zvi Institute for the Study of the Jewish Communities in the East, 1983).

א

  1. ולמא כאן יום אלסבת תאני יום אלכלאם אשתמעו גמיע אצחאבנא
  2. אלגרבא וגאו אלי ענד אלשיך אבו סעיד וקאלו לה אש עולת
  3. אן תפעל פקאל להום לאני וחדי מא יגי מני שי אלא אן תכון כלמתנא
  4. ואחדה וקאלו לה לאן נחן לא נבריה עלי הדא אן יכורק בנא
  5. ובריסנא ומן ינתסב אליה ואתפק ראינא גמיע עלי אן נקאומהום
  6. ובאלכרוג אלי סלאטין אן יוכשף ענא הדה אלנובה והדא אלטלם אלעטים
  7. [ואתפק ראינא] ובקול לנא פי אלכניס יא מעאשר ישראל לאן
  8. וצל הדא (!) אלסנה כל גריב וכל כלב וכל סבאג וכל מן ליס לה קדר
  9. גא אלי הדא אלבלד פי הדא (!) אלסנה מן דיאר מצר ויקול אני ואני
  10. ולא ידכול אלי ביות אהל אלבלד ולא ידכול אלכניס והום פי מצר
  11. יאכלון פי ביות אלסמרה ואלקראין ואלהוראסין ... כרג
  12. אלשיך אלי

ב

  1. ותמנע אלי אן [כרג
  2. אלשיך אלא]גל מצמון וקאל פי גמיע אלגרבא שי אן יטול שר[ח]הא (!)
  3. וגמיע האדא ליס הו מנה אלא מא חומי עלי גמיע אלגרבא
  4. ולם יכון פיהום מן יורדה ען דלך ולמא כאן יום אלאחד אתפק
  5. ראינא אן נמציו אולא אלי שיך (!) מצמון ונקול לה אן כאן
  6. האדי אלאמור גמיעהא מן ענדהא וען אמרה (!) סמע וטאעה
  7. נסמע כלאמה פי דלך ונעמל בחסבו ומצינא גמיע
  8. אלי ענדה ואשתמענא בה וכלמה כל ואחד מנא במא אעד מן
  9. אלכלאם וסאלנה (!) ען האדי אלאמור במא פעל הדא אלרגל
  10. בנא ען אלתצדיר ואלאש[ת]מע (!) וקאל לאן אנתום תעלמו לאן כלאמי
  11. מא כונת חאצר פי אלכניס וקאל לנא לאן מא כאן סבב כלאמה אמר
  12. אלא בסבב אלחלביין תגעלם (?) יגיו אלי דארה ויחצור [=ויחצרו] מעה

אלכניס

  1. ויסמעו רשותו והו סבב כלאמה אמס ואלתפת אלשיך אבו סעיד
  2. וכלמה וקאל לה הדא אלדי טרא יום אלגמעה גמיעה תחסנה
  3. ותרצא וקאל לה מא כונת חאצר וגאלטה פי דלך מגאלטה
  4. ולמא ראנא לאן נחן גמאעה אן מושתמעין עלי כלמה אן
  5. ואחדה וגיר טייב אלאנפוס ואלתפת קאל לפלאן אמצי אכלאץ
  6. האדי אלנובה וחולהא תנחל וקאל לה אלשיך אבו סעיד מן אשתהא
  7. גיר הדא מן יריד תוסיעהא חרם אללה אלמחלקות ומן ירידהא
  8. אש בידי מן חלהא אלאמר בידכום וקאל לה תמצי אלי ענד
  9. אלרייס ותכלמה כלמתין לעל יקול מא פי קלבה מן אלגיץ ומא
  10. עאד שי גיר הדא וקאל לה אלשיך אבו סעיד מא האדי אלכלמתין
  11. ערפני איאהא וקאלו (!) לה אן אלשיך יוסף ואבו סעיד אבן גמאהיר
  12. וסאלם יערפוך איאהא ואנצרפנא מן קודמה

ג

  1. ובקינא מונתטרין מא יכון מן אלאמר ואדא באלמדכורין
  2. יטלבו אלאשתמע (!) באלשיך אבו סעיד ואכדו פי אלטריק
  3. אלי גאנב וקאלו לה אן תקול לרייס כלאם אן יטיב נפסה חתי
  4. לא יציע גמעה ללנאס וכלאמה ותטייב קלבה וקלב אלשיך בדלך
  5. וקלת להום מא הו אלכלאם פקאלו לי אן תערפה לאן מא סבב ימין
  6. אלא אן עז עליך למא אן צעד אלשיך כלף אלמרכב וחלף עליך
  7. ועלי מבארך ובקול אלחלבי לאן אלשיך קאל לשיך כלף לאן תרהן
  8. לך גמיע מן וצל פי אלמרכב סוא ברכאת אלחלבי ואן עז עלי
  9. כמא עז עלי צאחבי דלך ושרט עליהום אן כאן ליס תם אלא
  10. הדא (!) אלכלמתין אנא נמצי ונקולהא ואלזמה אלמצי מעהום ודכל
  11. וקל לה לאן הדא סבב אלימין וקאל לה אכראם אן לך אלא תחלף
  12. בספר תורה באלמצחף קדמי (!) פאן מא כאן אלסבב אלא דא
  13. להום וכרג ועולת

ד

  1. וגרא ב(ינהם ועולם
  2. באלכלאם אלסולטאן וכרגו אלרסול מן ענדה ועא(רפו) אלשיך
  3. מצמון גמיע מא גרא ולמא כאן אכר אלנהאר מצא אליה
  4. ואנפדו ואסתדעו פלאן מע בעץ אלגרבא ועאדו פתחו
  5. אלחדית פאכד אן יקול שבועה או שבועה מן סיני
  6. עלי צחה מא דכר ותואקפו פי שי יטול שר(ח)הא (!) וקאל לה
  7. לא אקול שי מן דלך אלא אן וגב אלשרע דלך ותדכור
  8. דלילה מן אלשריעה או מן דברי רבותינו זכ לב ות פשך
  9. בדלך וחדר מן דלך אלחדר אלשדיד וקאל (תט)לב אנת
  10. אן תגלבנא גמיענא הדא לא יכון אבדא ותטאול אלכלאם
  11. פי דלך וקלנא אפעל אלא מא יוגבה אלשרע פאתתח (=פאפתתח)
  12. ואחד מן >אל< חאצרין ברכאת אבן חארת וקאל הו קול
  13. חטאתי ובקולה חטאתי פסך כלאמה מא צאע פקאל
  14. מא אקבל הדא שי אן יגיב (!) פיה ימין ושבועה וקאל
  15. פיה חטאתי וקאל לה אלשיך אבו סעיד אנא איצא מא
  16. אקול חטאתי פי שי לא יוגב עלי פיה חק וקאם וקעד
  17. וקאל אש האדא אלדי תקול פי מגלסי כאן בית דויד יאכוד
  18. אחד בגיר חק אש תקול פי גיר הדא אלמגלס וטאל אלכלאם
  19. פי דלך מנה ומן אלחאצרין אלא אן אעאד וקאל אן אלואגב
  20. אותק מן הדא ואקל ואגב אן פיה חטאתי ולא אקבלה מנה
  21. אלא אן אקולה בחק וקאל לה אלשיך אבו סעיד לא אקול דלך
  22. וענד דלך קאל פלאן חטאתי חרת לם אדכול פי בית אלשיך
  23. מצמון ולם אערף לי דנב גירה ואנצרפו גמיע
  24. אלחאצרין ושלום

Translation

T-S 10J16.8 1v

1v
Image Permissions Statement
  • T-S 10J16.8: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.