Letter: Bodl. MS heb. c 28/63
Letter Bodl. MS heb. c 28/63What's in the PGP
- Image
- 1 Transcription
Description
Letter from Salama b. Nissim b. Ishaq al-Barki, from Busir, to Nahray b. Nissim, Fustat. Around 1053. The writer is in Busir for the business of Nahray. He deals with purchasing flax. He mentions the intermediary Kasim. (Information from Gil, Kingdom, Vol. 4, #641) VMR
Tags
Image
Transcription
Translation
Editor: Gil, Moshe
Bodl. MS heb. c 28/63 63 recto
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
Recto
- וקד וצל כתאבך ביד אבי אלחסן כיארה מולא אלמד וצחבתה אלצרה אלדי ד'כרת
- ומעהא אלצרה' אלד'ר'ה' בתצחיח אלעדר ואלוזן וקבצ'תהם מנה ללוקת ת'ם דפ'עת
- אלכתאב אלדי אנפ'ד'תה אלי קאסם וצרני אלדי זעמת פיה אני כאתבתך
- בשכרה ווקף' עליה ת'ם אני אגתמעת ביה פ'י את'ר קראתה ללכתאב ולם
- נריה אני עלמת מא פי אלכתאב פראיתה וארצ'אה יחב אן ירדו אליי גמיל
- פקלת לה אני מחסוב עליך ואנא אחב אן תקים גאהי ואנת אקום באל
- שפאעה פ'י צאחבה מני פלא ימכנך אן תוליה אלגמיל פאזע לעמרי
- בגמיל ואנצרפ'ת מן ענדה עלי חאל דלך ואמא קולך פי כתאבך אן סידי
- אבי אברהם עיאש וצל כתאבה ידכר אן אלכתאן גאלי כת[יר] ווצל כתאבי אל[יה]
- בגוד'תה וצלאחה ומא כתבת אלא כמא הו ומא נחסן נכדב ואר[י]
- ג'ירי מא ירזק אלא בתספיט ותדמיר ואנא שאכר ללה עלי כל אלאחואל
- ואבי אלחגאג יצל אליך יערפ'ך במא נחן פ'יה ובמא אשתרית ואמא מא
- דכרתה פי אמר מביתי ברא ען ביתי פמא קלת אלא אלחק ואנא ננתקל ג'ד
- כתאבי אלי ביתי ולם יצל כתאבך אלא וקד אפ'רקת לך עלי מא תחתאג אליה
- מן אלכבב וגמעת מנהא מת'ל ל' כבא ולולא עדם אלכ'יש לסבב
- אן אצחאב אלסוק קד ת'צמנוה לכנת נחצל חאגתך ואנא אן שא אללה
- נחצל אלכיש ואלחבל פלא תגי אן שא אללה אלא ומעך אלגואב ותהת[ם]
- עלי אשג'אלך ולא תוזהד פיהא ולא יתעלק קלבך אלי שג'לך הונ[א]
- אלא בעד אן תקצ'י שג'לך מן מצר פ'אנא אן שא אללה אקום מקאמך
- ואכתר ואללה תעאלי יעלם בגמיע אלאחואל וקד ערפ'תך אמר אלשש
- אלדי לך ואנא אחרץ' פ'י האד'ה אלגמעה פי תקדים ביעה בכל וגה
- פלא [יכו]ן עלי קלבך מנה ת'קל ואמא אלדי לסידי אבי אסחק ברהון רפע
- פי מ' די'נ' ונצף ונחן נחרץ עסי זיאדה קליל נביעה ונתלקט לה ביה
- כתאן כמא ד'כר ויצל אלי כתאבך אן אפסחת לי פי אלשרי מן ענד אבן
- צדקה בעדל ואחד פאנא אשתריה פהו גייד וליס פ'י כתאן אלמזארעין
- כיר מנה ואסעאר אלכתאן עלי חאלהא לם תזיד אלא מא נקצת בלא
- אן אלכתאן כ'לאף מא כאן אלסנה האד'ה אלאיאמאת אלמריסי אלדי כאנת
- אעלמתך ד'לך' וכד'לך תעלק קלבי אלי אכ'י ואשתג'ל מן גהתה
- כת'יר וקד כנת כתבת אליה יגי ומא אצ'נה קבל פאן כתבת אלי
- מרדוך תכתב אליה באלוציה עליה ואן אחתאג אלי כסוה מן אלברד
- יכסיה מן אלשתי ואלסלם עליך וסידי אבי אסחק ברהון אפצ'ל
- אלסלם ותכ'ץ סידי אבי אסחק אברהם בן סג'מאר אתם אלסלאם
Recto, right margin
- ומן
- תשמלה
- ענאיתך אתם
- אלסלם
Bodl. MS heb. c 28/63 63 verso
Verso
- סידי ומולאי אבי יחיה נהראי בן נסים נ'נ' מן סלאמה בן נסים בן אסחק נ'נ'
- אטאל אללה בקאה ואדאם נעמאה
