Scholarship on Letter: T-S NS J197
Letter T-S NS J197- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, Letters of Medieval Jewish Traders (Princeton, New Jersey: Princeton University Press, 1973).
- Location in source
- Relation to document
- Translation
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
T-S NS J197 1r
S. D. Goitein, unpublished editions.
- כתאבי אטאל אללה בקא סיידי ומולאי
- אלשיך אלגליל ואדאם עזה ותאיידה
- וסעאדתה וסלמאתה ונע[מתה וכבת
- אעדאה מן אלמסתקר באלאסכנדר[יה
- ען חאל סלאמה ועאפיה ושוק שדיד
- גמע אללה ביננא עלי אפצל אלאחואל
- ואסרהא אנה סמיע מגיב ווצל כתאבך
- אלדי אשהדת עלי נפסך פיה ולולא
- אנני עלי ימין למא כלפתך שי מן
- הדא ואצחאבנא יערפוך עדרי ואן
- מא אכד לך לאחד שי אלא עלי הדה
- אלקציה וקד חמלת אלצוף בלא וזן
- וקאל לי עבד אלרחמן אן פיה ה קנאטיר
- יגי תמנה תלאתין דינ ואכדת לה
- כיש וחבל וכרי וסלפה מן ענד אלשיך
- אבו מוסי הרון בן שמאר וקאסינא פי
- אלכרוג צעובה לאן אלרקאע אלדי להא
- צאעת ואלקטעתין אלדי גאת צחבה הרון
- טלעת פי אלמרכב וכרי אלגמיע סתה
- דנאניר וזנת הנא ג ובקי אלג ללמרייה
- מע סלאמה אללה אעלמתך דלך קראת
- עליך אלסלאם ועלי אלשיך אבו אלוחש
- שריכך אלסלאם וחסבי אללה וחדה
T-S NS J197 1v
Verso. Address.
- סיידי ומולאי אלשיך אבו אלאפראח שאכרה הלאל בן יוסף
- ערוס בן יוסף נע נע
- אטאל אללה בקאה ואדאם עזה
