Scholarship on Letter: T-S Ar.51.111
Letter T-S Ar.51.111- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
T-S Ar.51.111 1r
S. D. Goitein, unpublished editions.
- . . . . . . . . . . . . . . . . . . . . . . . . . . . . . . . . . . . . . . . . . .]בקה אלל[ה] תעאלי וגמיע
- . . . . . . . . . . . . . . . . . . . . . . . . . . . . . . . . . . . . .]כתהם בנעמה מן אללה לם יתגיר
- . . . . . . . . . . . . . . . . . . . . . . . . . . . . . . . . .] פאללה תעאלי יגמע אלשמל בך קריב
- . . . . . . . . . . . . . . . . . . . . . . .]על[י א]נעם אלחאל כמא עהדת ואלאולאד אסעדהם אללה תעאלי מתפקין
- . . . . . . . . . . . .] מע בעצהם בעץ קד אדבהם גיבתך ענהם ואמא חדית אצחא[ב . . . . .
- . . . . . .אטלקו] עליהם אלאלסנה וו/א/גהוהם באלכלאם אלקביח מתל קד אטהר אללה מעגז פי [דלך
- . . . . . . .] אצחאבה סוף יצרבו באלכית ואלכית ולא מתל אלשיך אבו נצר וגוהר ובקיה אצחאבה
- מסרורין כתיר ואמא אולאד אלששי פלם ירגעו יגתמעו באלפקיה ולא וקפו לסלטאן
- אלי אול כמיס פי רמצאן ואלפקיה מנעכף וקפו בקצה ללסלטאן ואנהא דפעת לאלריס
- פאצחאב אלריס מנהם מן יקול אן אלמלך אלעאדל דפעהא לה מן ידה ומנהם מן יקול אן אל
- שרף יעקוב דפעהא לה ואלצחיח אן וגדהא אחד אלכדאם דפעהא לה ואן אלריס כתב מחצר
- באלערבי אקול אנא פלאן בן פלאן אנני תברעת בתעבד ללה ותנפל ברכוע וסגוד וצלוה
- פי ביתי לנפסי לם אלזם בה אחד ולא גירת עליהם פי כנאיסהם שי ואסתדעא אליהוד
- באלפראנסה ובנפסה ובגלאמה ובצהרה ויקול לכל אחד מנהם אנא אלזמתך בצלותי או
- גירת עליך שי פי כניסתך יקול לא פאכד כט אלגמאעה בדלך קריב מאיתין שכץ ומן
- גמלתהם אבו אלפרג צהרך וקאלו מפצל איצא ולדך ושנעו באן אלריס אוקף גמאעה מן משאיכה
- עלי אלקצה ועלי מא פיהא מן אלמסרות פאשארו עליה פאן יסבתהא פי אלכניסה ואן תקרא
- עלי אלגמאעה ויחרם באסם ראפעהא ותופדת אלגמאעה אלי אלכניסה יום אלסבת ליחצרו
- מא יגרי פלם יגרי שי אלא אן אלריס אנדר אן יום אלאתנין יח[רם] פי מצר ואלקאהרה באסם
- מן אסמא שי לכניסה דמוה ולא יחצר יערף בה בית דין יקצד בהדא אכדהם בוגה שרעי
- ואטהאר נחסהם וקלה דינהם ענד אלגמאעה ואנפאד אלחרם פיהם בהדה אלצורה לא מן
- גהה וקופהם ללסלטאן ומן אכבר אלמשדין מנה פי הדא אלמכין בן מרדוך וסבחאן אלעאלם מא
- יכון ואמא אלמחצר אלדי כתבה אלריס פאן אלממלוך אגתמע בר חננאל ובאלזכי בן ר נסים וערפתהם
- אן כתאבה אלמחצר תדל עלי צעף ודלה ואן כל מן כתב פיה רהינה חלק אלדקן לאנהם שהדו
- באלזור וקמת להמא אלדליל ואלברהאן באנה גיר ובדל פי כנאיסנא ואלזמנא ונקל דלך ען אלממלוך
- אלי אלריס ואלחאל באקי אלי אן נבצר אישי יגרי ואול סבת גבת ענא כאן עזא בו אלמחאסן
- בחג אלמעאני ויום אלאחד תופי ברכאת בן ר אליה וכאן וצול אבוה תאני יום מותה ופי
- אלגמעה נפסהא תופי יוסף בן אלכראז תעשא ונאם פי פראשה אצבח מאית וקיל אן וגד
- ווגהה] אסוד מתל אלחבר ואמא אסעאר אלבלד אלקמח אלגדיד אלעאל ביב דרהם אלארדב
- ואלקדיח?] אלטייב בסבעה ובתמאניה ואלשעיר בדרהם נקרה אלארדב ואלמשמש ואלתפאח
- עשרה ארטאל בדרהם סואד
T-S Ar.51.111 1v
verso
- ואל]מסכי ואלמכצב כמסה בדרהם וגמיע סער אל[ב]לד מן הדה אלנסבה ואלמאתור מן
- אנעאמך ותפצלך אן תנוב ען ממלוכך אלסלאם ואלשכר ללמולא אלשיך אלאגל אלסדיד
- כאתב אלערב ותבלגה שכרי לה ודעאי וראי אלממלוך למולאה אן לא תגעל לך
- רפיק פי אלעסכר סואה פצחבתה הדיתי למולאי ואכי יכדם אלמולא באתם סלאם וכתיר
- אלוחשה מנה ואלממלוך ולדה כאתב הדה אלאחרף יכדם מולאי באתם סלאם ומתשכי
- וחשתה וקטעתה מן ראיך פי מא יכצה מן גהה מזאגה ונפסה ולו אכדנא אן נצף
- מא ענדנא מן אלשוק ואלוחשה ואנקטאענא מן תפצלך וראיך למא וסעה כתאב ואכי
- יסאל תפצל אלמולא פי אסתעלאם כבר ולדה יוסף ותעלמנא בחאלה וכאן אלממלוך
- קד סאל תפצל ר אברהם שמ צו אן ענד וצולה אלי דמשק יסתעלם סער אלרצאץ וסער
- אלסילקון ויעלם בה אלממלוך פאשתהי מן תפצל אלמולא אלסלאם עליה ותדכארה בדלך
- פהי אכבר חואיג אלממלוך קראת עליך אלסלאם וגמיע מן תחוטה ענאיה אלמולא
- אלסלאם ושלום ולם יצל מן אלמולא כתאב סוי כתאב ואחד מן [.]אה והדא תאני כתאב
- סירה אלממלוך וכתב יום אלאחד אלכאמס מן שהר תמוז יהפך לשמחה ושלום
