Letter: T-S 16.278

Letter T-S 16.278

Metadata

Shelfmark
T-S 16.278
Primary Language
Judaeo-Arabic

What's in the PGP

  • Image
  • 1 Transcription

Description

Letter from a husband, probably a merchant belonging to the elite, to his wife of a second marriage. In Judaeo-Arabic. He expresses his yearning and describes his depressed state in great detail, seeking to refute her assumption that he is remaining away because life is good for him. He alludes to his "many illnesses and sundry pains" but doesn't go into them to spare her. He received her letter about her "sickness of heart which brings the sickness of the body," but chides her for writing about such things, because he is not the kind of man who needs to be aroused to "tenderness and compassion." ASE

Tags

Additional metadata

Collection
Cambridge University Library, Taylor-Schechter
Input date
In PGP since 2004
Image
Transcription
Translation

T-S 16.278 1r

1r
S. D. Goitein, unpublished editions.

Recto

  1. ב[. . . . . . . . . . . . . . . . . . . . . . . . . . .
  2. הנכבד והנורא וממא [תרידי עלמה אנני
  3. אלאן עלי גמלה אלסלאמה ואלעאפיה בעד מקאסאת
  4. אמראץ מכתלפה ואלאם מתלפה לם יתהיא לי
  5. דכרהא פי אלוקת אלחאצר ואעלאמך בהא פי אלכתאב
  6. לאלא אזעג קלבך ואזידה וגל מצאף למא . . .
  7. מן צעפה ועגזה ען חמל שי ממא כלפה ואלדי
  8. אוגב דכרה אלאן לאן יכון כתאבי מקאם חצורי
  9. ואיצא אן אללה תעאלי קד פרג עני מן דלך
  10. ואמא גיר דלך פאן וצלוני כת[בך] אלעזיזה בעד
  11. אנקטאעהא עני אלזמאן אלטוי[ל וכא]ן דלך קטע
  12. קלבי זאיד והי בכט מולאי אלנזר יזכר בטוב
  13. ואיצא בכט אלשיך אבו מנצור שמרו צור
  14. מא אנסאן מכארי ודפעת לה חק תעבה
  15. ופרחת וסררת בהא זאיד קבל פתחהא תם
  16. בקית משגול אלקלב קבל קראתהא כאשיא מן
  17. כבר מזעג חס ושלום וקראתהא ושכרת אללה
  18. עלי סלאמתך ועאפיתך ואן כנת נערף [מא
  19. פי קלבך ובקית משכך מצאף אלי דלך לאלא
  20. יכון קד אכתמת שי מן חאל[ך] תטמין לקלבי
  21. תם וגדת פיהא מן עבא[ראת] קטעת קלבי
  22. ממא אנתי עליה מן אלשוק ואלוחשה ואלאפתראד
  23. ומרץ אלקלב אלדי יוגב מרץ אלגסם אללה יכפיך
  24. ממא לא כאן חאגה לה לאן אללה יעלם אנני
  25. מא אנא ממן יחתאג תחנין ולא תרקיק קלב
  26. בל לו דהבת //אצף// מא ענדי בסבב דלך זאיד ען
  27. חאל לם אקאסי[[.]] מתלה //מד// כלקת ואתצרפת בין
  28. אלנאס לא מן אלציקה אלזאידה אלדי לם אעהדהא
  29. ולא מן אלוחשה ואלוחדה ו[כאן] גמיע מא נמתלה
  30. מערקל חתי אדא אתפק ואבעת שי מא
  1. יחצל לי הב תפריג כנ/א/ק לאני אכד תמנה
  2. בצאעה אכרי גירה ממא אדא בעתהא
  3. פי אלבלד כאן פיהא כס בל אלפרג אלדי יחצל
  4. כון תחצל בצאעה יתהיא אלספר בהא וביעהא
  5. פי אי מכאן כאן וכל דלך אפעלה

Recto, right margin

חרץ | פי אלעגלה ואל | סרעה ואלאשפאק | עלי קלבך ואלכשיה | מן חצול אלאגל |

לאחד מנא והו גאיב | ען צאחבה ואמא מא | תקאסיה רוחי פי | אלגדא וכוני אן |

אחתפלת ואצלחת | שי עלי נאר | מא יחצל מן | אלתעב ואלמשקה | וענד מא יתצור

קדאמי ואריד | אן אמר ידי פיה | אפכר פיך ופי | שקאך ופי | וחדתך ווחדה |

כל מנא אללה | יעלם כיף אכל | וכיף אשרב | וכיף אנאם | וכוני נסאהר | רוחי

לוקת כתיר | זאיד | מן אלליל | ומ[א] יתפק

T-S 16.278 1v

1v

Verso

  1. אנאם נומה תם אסתפיק לא אזאל סאהר מע טול
  2. אלליל וחדי פוקת אקול רחמים או שבח או רהט
  3. או צלאה או קינה או מא טלע //עלי// קלבי ואטלב אן
  4. יצבח אלצבאח ואלליל יטול ווקת אכון צעיף מא
  5. פי מא אתכלם אבקא סאכת מפכר אלי אן יסהל
  6. אללה באלצבאח או ארגע אהגע גמצה ופי בעץ
  7. אלאוקאת ענד מא תצגר רוחי מן אלוחדה אמצי
  8. לילה פי אלגמעה אבאת ענד א[בו אס]חק צביך פי
  9. אלמצבגה משתת פי חאל אללה יעל[מה] ואצעב מא
  10. ימד עלי כל לילה סבת ענד מא אסרג אלסראג
  11. ואחט מא יסהלה אללה תעאלי ואפכר פיך פאללה
  12. יעלם מא יחצל לי ואנא אערף באני קד אטלת
  13. בדכר אסבאב כאן אכתצארהא אולא ואמא אלדי
  14. אוגב דלך תעריפך //בעץ// מא אנא עליה כאנך חאצרה
  15. ליכון תסליה כאנני חאצר נתחדת מעך אללה תעאלי
  16. יקרב דלך ואיצא לאערפך מא אנא עליה לאלא
  17. תצני כמא כאן תקולי אנני קא[ע]ד טיב אלעיש
  18. אביע ואשתרי מא עלי קלבי. . מנך בל לו
  19. כנת עלי מתל דלך למא אשגלני ענך ולא הדא
  20. סר במפארקתך ולא אנצבר לי ענך אחד ויאכד
  21. אן אכון פי צדה וגיר דלך אן וצל גוי אער[פה
  22. יקאל לה אבו עלי ודכר לי מגיך אלי מכזנה //מע אבי אלמ// ובכ[אך
  23. ועז עלי דלך וקטע קלבי //כתיר זאיד// פסאלתך באללה ואן כאן
  24. מא נשתהי נקסם עליך אמא צברתי נפסך ולא
  25. תתקלי קלבך //עלי// ואדעי ללכאלק תעאלי פי אן יסהל
  26. אמורי ויקרב אגתמאי(!) בך ול[עד בוצו]לי איש חצרתך
  27. ונדאמתך קלת כוני לם אכרך [. . . .] ומצאף [אלי
  28. דלך קד סהל אלכאלק כתיר מן אמורי ואנא אשר[ף
  29. עלי פרג אן שא אללה ומא ימכנני אחד לך זמאן
  30. בל ישועתו יתברך שמו כהרף עין ולו תכלצת
  31. פי נהאר מא חרצת אני נבקא אלתאני בל
  32. רב מא לו בקי בעץ שי לאודעתה או אכדתה
  33. צחבתי ולא יעאב עלי פי גמיע מא דכרתה
  34. לאני נכתב כל כתאב ואלרסול ואקף עלי ראסי
  35. מצאף אלי מא ענדי מן שגל אלקלב באסבאב
  36. קד דכרת בעצהא ולא יתהיא לי [אן] לאכתר כתב
  37. . . . . . . . . . . . . . . . . . . . . . . . .]. .א.[. .

Verso, right margin

מן תחת | ענאיתך | סלאם ואלסלא[ם | ותבלגי סלאמי | לגמיע אצחאבנא | ללדיאן ולכאלאתי |

ולמעאני עלי | שגל קלבה | ולאבו עלי בן | כאלתי ואבי //ללשיך// [מנ]צור | ופצאיל בן

אלגזול[י | ומנגא בן בו [אלופא | ורצי צביך | וטאהר ואם | בו אלבהא ואם |

בו אלעלי ואבו | אלביאן בן אל | אהוב ותגעליה | ישכר אללה | כון לם יכון |

לה שי מע | מעאני עז | עליי ובקיה | מן לם יתהיא | לי דכרה | ושלום |

וענד מא | קראת אלכתאב | בעד פראגה | אללה יעלם | מא צאבני

Image Permissions Statement
  • T-S 16.278: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 16.278. Available online through the Princeton Geniza Project at https://geniza.princeton.edu/documents/3484/, accessed November 23, 2024.
https://geniza.princeton.edu/documents/3484/