Scholarship on Letter: T-S 13J17.15

Letter T-S 13J17.15
  1. Bibliographic citation
    S. D. Goitein, index cards.
    Location in source
    Relation to document
    • Discussion
  2. Bibliographic citation
    Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.
    Location in source
    • #543
    Relation to document
    • Digital Edition
    • Edition
  3. Bibliographic citation
    S. D. Goitein, unpublished editions.
    Location in source
    Relation to document
    • Digital Edition
    • Edition
Image
Transcription
Translation

T-S 13J17.15 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

Recto

  1. בסם אללה אלעטים                                                     [למולאי] אלשיך אבי סעיד
  2. כתאבי יאסידי ומולאי אטאל אללה בקאך ואדאם עזך ותאידך וסעאדתך וסלאמתך
  3. ונעמתך מן אלאסכנדריה מסתהל טבת אקד[מה] אללה עליך באימן קדום ואלחאל
  4. סלאמה ונעמה ואלחמד ללה רב אלעאלמין וצלת כתבך יאמולאי ווקפת מנהא
  5. עלי מא תצ'מן מן סלאמתך אדאמהא אללה לך וחמדת אללה עלי דלך דכרת אמ
  6. אלגרתין אלזית ואללה אלעט'ים מא פרטת פיהא ואני [           ]לם אלדי הי ענדה
  7. ויועדני בהא [                    ] ידפעהא אלי [[אלי]] אלנותי אלדי סלמתהא [           ]
  8.  ישדך מא יוגד ואנא אן שא אללה אקבצ'הא מנה דכרת אמר צאבון סידי אבו סחק
  9. ברהון בן עמך והו מ'א יסוי באסכנדריה ג' דנ' אלי רבע כמא [                             ] לה
  10.  וכדלך אלרצאץ באקי ואלקטעה אלכחל חמלהא בן אל [           ] דאר עבד לאני
  11.  גהדת פיהא וגמעת בינה ובין וכיל דאר בן גית ולם אגד באסכנדריה מן [            ]
  12.  יטלע מן אצחאבנא אנפד לה אלמרגאן מעה לאן בן סמחה איצ'א סאלני פי
  13.  חמלה קבל יצל כתאבך יאמולאי סלמך אללה וקד ערפתך פי כתבי אלמתקד[מה]
  14.  אן אלדי תצל באסכנדריה מע מא ארגו אן תשתמל לך כ' חמל וקד וצל קארב
  15.  בן אבי עקיל אלסגיר אלדי כאן משתי באסקאלה [הו] יסאפר אלי אלגרב ולם ינשא
  16.  באסכנדריה מן סנין אחסן מן האדי אלד' מראכב אלדי אנשית פי האדי אלסנה
  17.  אללה תעאלי יערפנא ואיאך ברכתהא ולא יוקפנא עלי מכרוה וקד קבצ'ת אל
  18.  מזוד אלאשנאן מן עשארי מסבח לאן מסבח לם יצל פיה אלי אסכנדריה דכרת
  19.  אן אנפדת פי שרא ערצתין אלי אבוציר אללה תעאלי לא יעדמני תפצ'לך
  20.  פאחיב יאמולאי אן תחרץ לי פי וסק אלקליל לאסין לאן מא ראית עלי רוחי
  21.  פי האדי אלסנה דנא' ואנת תעלם אן עלי מון וקד כאן בקי לצמח אלפאסי
  22.  ענדי ד' דנ'נ' ותמן אנפדת מעה ה' דנ'נ' אחמדיה וזנהא ד' דנ'נ' ותלתין וכתבת מעה
  23.  כתאב לסידי אבי אסחק אברהם אלקאבסי אן יקבצ'הא מנה וידפע לה ד' דנ'נ' ותמן
  24.  וקד כלפה פאחיב יאמולאי אן תתפצ'ל ותקבץ' מנה אלה' דנ' אחמדיה ותדפע
  25.  לה [ד'] דנ'נ' ותמן גיאד ותכרג אנת סלמך אללה אלאחמדיה פי שי תשתריה לאן
  26.  ליס ענדנא במצר שי ומא בקי לי תתבתה לי ענדך מע תמן אללאסין פאחיב
  27.  לא תפרט לי פי דלך לאן אלרגול רגול סו ואמא אתכאלי פי דלך עלי אללה תעאלי
  28.  ועליך ואנא מנתצ'ר לכתאבך בקבצ'ך האדי אלדנ'נ' מנה פאחיב לא תתואנא פי דלך

Recto, right margin

  1. וכדלך לי ענד אבי אל
  2. פצ'ל צהר מולאי אבי זכרי
  3. אלטביב אדאם אללה עזה
  4. די'נ' ונצף קיר' אחיב תתפצ'ל
  5. חסל סידי אבי אסחק
  6. ברהון בן עמך אן כאן
  7. קבצ'ה מנה או תקבצ'ה לי
  8. מנה ותכתבה לי פי חסאבי
  9. פמא אחתאג אוכד עליך
  10.  פי דלך וחסאבה פי רקעה
  11.  דרג כתאבי האדי וקד
  12.  כנת כתבת לך פי אל
  13.  כתב אלמתקדמה אן
  14.  קבץ' סידי אבו זכרי
  15.  בן קיומה
  1. בסם אללה אלעטים
  2. כתאב יא סידי ומולאי אטאל אללה בקאך ואדאם עזך ותאידך וסעאדתך וסלאמתך
  3. ונעמתך מן אלאסכנדריה מסתהל שהר אדר ימן אללה באימן קדום ואלחאל
  4. סלאמה ונעמה ואלחמד ללה . . . . . . . . . . . . . . . . . . . . . יא מולאי . . . . . . . . . .
  5. וצל מא תצמן מן סלאמתך . . . א שגלך ואלחמד ללה עלי דלך . . . . . . .
  6. . . . . . . . . . . . . אללה אלעטים מא פרטה פיהא ואני . . . . . . . . . . . . . ענדה
  7. ויועדני . . . . . . . . . . . . ולם ידפענא אלא אלנותי אלדי סלמתה [ . . . . . . . . . ]
  8. ישרך מא יוגה ואנא אן שא אללה אקבצהא מנה דכרת . . . . . . . . . . . . . . . . . . . .
  9. ברהון בן עמך והו מא יסוי באסכנדריה ז די אלא רבע כמא . . . . . . . . . . . . . . .
  10. וכדלך אלרצאץ באקי ואלקטעה אלכחל חמלהא בן אל . . . . . . . . . . . . . לאני
  11. אתהה פיהא וגמעת בינה ובין וכיל דאר בן גות ולם אגד . . . . . . . . . . . . . .
  12. יטלע מן אצחאבנא אוגה לה אלמרגאן מעה אליך בן סמעיל(!) איצא סאלני פי [מא
  13. חמלה קבל יצל כתאבך יא מולאי סלמך אללה וקד ערפתך פי כתבי אלמתקד[מה
  14. אן אלדי חצל באסכנדריה מע מא צנעוה מחמל ללשיך ה חמל וקד וצל קאדב
  15. בן אבי עקיל אלסגיר אלדי כאן משתי באסקיליה [והו] יסאפר אלי . . . . ולם ינשו
  16. באסכנדריה מן סנין אחסן מן האדי אלד מראכב אלדי אנשית פי האדי אלסנה
  17. אללה תעאלי יערפנא ואיאך ברכתהא ולא יוקפנא עלי מכרוה וקד קבצת אל
  18. מזוד אלאשנאן מן עשארי מסבח לאן מסבח לם יצל פיה אלי אסכנדריה דכרת
  19. אן אנפדת פי שרא ערצ . . אלי אבו ציר אללה תעאלי לא יעדמני תפצלך
  20. פאחיב יא מולאי אן תחרץ לי פי דאך אלקליל לאסין לאן מא ר . . עלי . . .
  21. פי האדי אלסנה . . . ואנת תעלם אן עלי מון וקד כאן קבי לצמח אלפאסי
  22. ענדי ה די ותמן אנפדת מעה ה די אחמדיה וזנהא ד דיט ותלתין וכתבת מעה
  23. כתאב אלי ידי אסחק אברהים אלקא . . . אן יקבצהא מנה וידפע לה ד דיט ותמן
  24. וקד כלפה פאחיב יא מולאי אן תתפצל ותקתץ מנה אלה דנ אחמדיה ותדפע
  25. אליה ד די ותמן . . . . ותכרג אנת סלמך אללה אלאחמדיה פי שי תשתריה לאן
  26. ליס . . . א במצר שי ומא בקי לי תתרכה לי ענדך מע תמן אללאסין פאחיב
  27. לא תפרט לי פידלך לאן אלרגול רגול סו ואמא אתכיל פי דלך עלי אללה תעאלי
  28. ועליך ואנא מנתצר לכותבך בקבצך האדי אלדנ מנה פאחיב לא תתואנא פי דלך

Right margin, diagonal lines written upside down.

וכדלך לי ענד אבי אל | פצל צהר מולאי אב זכרי | אלטביב

אדאם אללה עזה | דיט ו . . . . קט אחיב תתפצלו | תסל סידי אבי

אסחק | ברהון בן עמך אן כאן | קבצה מנה או תקבצה לי | מנה

ותתרכה לי פי חסאבי | פמא אחתאג אוכד עליך | פי דלך וחסאבה

פי רקעה | דרג כתאבי האדא וקד | כנת כתבת לך פי אל | כתב

אלמתקדמה אן | קבץ סידי אבו זכרי | בן קיומה

T-S 13J17.15 1v

1v

Verso, upside down (right side up in original orientation, per Gil)

  1. אלקפל אלואחד אלדי כאן עלי אלמכזן לאן דכר אנה לה ואן אנת סלמך אללה קלת לם אקבצ'ה
  2. מן אלמכזן ואנא מראעי ללמכזן פי כל וקת וקד טלבני [[         ]] וכיל אלדאר טלב עט'ים
  3. פי אלאגרה מן אלמכזן וקד כנת דפעת לה [                 ] אלמתקדמה רבאעי פתכתב
  4. לי אן כנת אדפע לה שי ולאני איצא מא דכלת א[          ]ר אלמכזן יטלבני קראת
  5. עליך אתם אלסלם ועלי סידי אבי אסחק ברהון אלסלם וסידי אבי יחיי אלסלם ותערפה אן
  6. אלדי אנפקת עלי אלאעדאל אלמכלוטה נחו י'ט' די'נ' ונצף זאיד נאקץ וענד וצולה אלי אסכנדריה
  7. יקף עלי אל[חסאב     ] וצח לה פי אלעדל אלדי אוביע באסכנדריה בעד אלמאונה ט'ו' די'נ'
  8. ותלת ותמן ודאנק וחבה ולעל תשתרי לי ענד אנחדארך אוקיתין מדאד מן אלעגמי
  9. אלדי עלי באב אלגאמע ורזמה אקלאם מן אלדי תגי מן אלפיום ואלסלם וקד יאמולאי
  10.  כתבת אליכום פי מא גרי עלי מן כביצה ומא עמל בי פלם תעמלו לי פי דלך שי
  11.  וקד צח ענד גמיע אלאסכנדראנין אן אלמגארבה כתבו כתאב ואכאפו מנה ובאללה אל
  12.  עטים לם תעמלו פיה שי וכאן למגרבי ענדהום קימה ואנא ואללה יאמולאי לו
  13.  כאנת לך חאגה פי ספר לכנת פארח בקצ'אהא ואנא כתבת לך וסאלתך אלסואל אלעט'ים
  14.  פי אמר האדי אלכתאב פלם תעמלו פיה שי פאחיב מנך אן תתפצ'ל ותוכד עלי מולאי
  15.  אלשיך אבי זכרי פי אמר אלכתאב ולא תתואנא לי פי דלך ואלסלם וקד קבצ'ת אלגרתין אל
  16.  זית פי סאעתנא האדי מצ'יה לבן אלדאודי סאלתה פיהא וגעלת מן סאלה וקד קבצ'תהא
  17.  והי ענדי פי אלמכון ולולם אתקל עליה למא עטאהא לאחד לאנה טמע פיהא

Verso (upside down in original orientation, per Gil)

  1. [לסידי ומול]אי אבי סעיד יוסף בן מוסי בן ברהון נ'נ'        שאכרה אברהים בן פראח נ'נ'               אסכנדראני
  2.                                                             תאהרתי
  3. אטאל אללה בקאה ואדאם עזה ותאידה וסעאדתה

Verso.

  1. אלקפל אלואחד אלדי כאן עלי אלמכזן לאן . . . אנה לה ואן ענך סלמך אללה קלת לה . . . . .
  2. . . אלמכזן ואנה מראעי ללמכזן פי כל וקת וקד טלבני וכיל אלדאר טלב עטים
  3. פי אלאגרה ען אלמכזן וקד כנת דפעת לה . . . . . . . . . מתקדמה רבאעי פתרכ . .
  4. אלי אן . . . אדפע לה שי [[ . . . . ]] מא דכלת א . . . . . אלמכזן יטלבני קראת
  5. עליך אתם אלסלם ועלי סידי אבי אסאק(!) ברהון אלסלם וסידי אבי יחיי אלסלם אל ותערפה אן
  6. אלדי אנפדת אליה אלאעדל(!) אלעדל ותלת נחו יט דיט ונצף זאיד נאקץ וענד וצולה אלאסכנדריה
  7. וקף עליה אל[חסאב מ]א יצח לה פי אלעדל אלדי קוטע נאס בענאה בעד אלמונה טו דיט
  8. ותלת ו . . . . . . . . . . . . ולעל תשתרי לי ענד אנחדארך אוקיתין מדאד מן אלעגמי
  9. אלדי עלי באב אלגאמע ורזמה אקלאם מן אלדי תגי מן אלפיום ולא עד(מתך) (!) וקד יא מולאי
  10. כתבת אלי קום פי מא גרי עלי מן כביצה ומא עמל בי פלם תעמלו לי פי דלך שי
  11. וקד צח ענד גמיע אלאסכנדראנין אן אלמגארבה כתבו כתאב ואכאפו מנה ובאללה אל
  12. עטים לם תעמלו פיה שי וכאן אלמגרבי ענדכום קימה ואנא ואללה יא מולאי לו
  13. כאנת לך חאגה פי ספר לכנת פארח בקצאהא ואנא כתבת לך וסאלתך אלסואל אלעט[י]ם
  14. פי אמר האדי אלכתאב פלם תעמלו פיה שי פאחיב מנך אן תתפצל ותוכד עלי אל
  15. שיך אבי זכרי פי אמר אלכתאב ולא תתואנא לי פי דלך <אן שא אללה> וקד קרצת אלגרתין אל
  16. זית פי טאעתנא האדי תוציה לבן אלדאודי סאלתה פיהא וגעלת מן סאלה וקד קבצתהא
  17. והי ענדי פי אלמכזן ולו לם אתקל עליה למא עטאהא לאחד לאנה טמע פיהא

Bottom margin, written upside down. Address.

אלמול]א אבי סעיד יוסף בן מוסי בן ברהון ננ שאכרה אברהים בן פראח ננ אסכנדראני

תאהרתי

א]טאל אללה בקאה ואדאם עזה ותאידה ונעמתה

Image Permissions Statement
  • T-S 13J17.15: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.