Scholarship on Letter: ENA 4100.11
Letter ENA 4100.11- Bibliographic citation
- Alan Elbaum, [digital geniza document edition] (n.p., 2024).
- Relation to document
- Digital Edition
Image
Transcription
Translation
Editor: Elbaum, Alan
ENA 4100.11 1
Alan Elbaum, [digital geniza document edition] (n.p., 2024).
- יעקב יטאלבה מני פמא כאן ימכנני אמצי ולא יכון
- צחבתי ועבדהא יסאלהא תכמיל אלאצטנאע פי
- כמסה דנאניר תציר אלגמלה ענד עבדהא עשרון
- דינארא סוא פקד אנעמת במא לא אנהץ בה לא
- אנא ולא מן ענדי אבדא ווחק שם ייי לו אן לי גהה
- או שי אביעה למא תקלת עלי סאמיהא בשי אכר
- ולא תעתקד אלחצרה אן מא פעלתה ותפעלה
- אלא אנהא פכתני מן אלשביה פמא כתבת הדה
- אלאסטר אלא מן צר עצים זאיד ען אלוצף ולעלמי
- אן חצרתך תבת אללה מגדך תסא/ר/ע אלי קצא חאגה
- עבדך וכוני אדל עלי אלחצרה למא קד צאר ביני
- ובינהא אופא מן אדלאלי עלי אלגיר אוגב כתב
- הדה אלאסטר לתנעם באלכמסה דנאניר יום אלאחד פמא
- אעתקד אנהא קרץ ולא אעתקד אלא אנהא
- אצטנאע תאני והי והבה מן מאל אלחצרה ואן לם
- תצטנע ותכצרה אלי יום אלאחד מן . . . . ואלא
- הלכת ערפת סאמיהא דלך ולו כאן פי אל[וקת
- פסחה לכנת עוץ מן הדה אלאסטר [ושלום הדרתה
- יגדל
ENA 4100.11 2
