Letter: T-S 13J19.17
Letter T-S 13J19.17What's in the PGP
- Image
- 1 Transcription
Description
Page from a letter sent by Abū Naṣr b. Avraham from Alexandria to Ḥalfon b. Netanel in Cairo on the 23 of October 1140. The letter includes a report on the social uproar caused by Yehuda ha-Levi’s visit in Alexandria when everybody was eager to invite him. The letter contains a request for Ḥalfon to come to Alexandria to settle the disputes caused by Yehuda ha-Levi’s presence in the city. The letter also refers to business matters arising from the India trade, in which both the addressee and the writer were involved. Abū Naṣr complains about his eye illness: "I only wrote these few letters as I was housebound with a flare of ophthalmia that came over me." At the end of recto and beginning of verso, this proves relevant: "The account is in the shop and I am at home, so I do not have the precise details to inform you." Finally, in the last few lines, "Please extend forgiveness, God knows that I wrote this with the kerchief (khirqa) draped (musabala) over my eyes." The use of a dark kerchief to protect the inflamed eyes from light was part of the standard treatment for ophthalmia (see the tag "khirqa" and the chapter on ramad in Tadhkirat al-Kaḥḥālīn). (Information in part from Frenkel, The Compassionate and Benevolent, p. 523; Goitein, Friedman, India Book 4, p. 417). ASE Alexandria; 10 of Marcheshvan; October 23, 1140
Tags
Editors: Goitein, S. D.; Friedman, Mordechai Akiva
T-S 13J19.17 1r
Recto
- עונך יא רב
- ולם יתפק לה דכול ענד אחד אלא ענד אלזקן
- פי יום ראש השנה קבל אן וקע אלנהי תם
- ענד אנסאן יערף בכראם אלשמאע כאן וצל
- מעה פי אלמרכב ודפע לה אלקול מן הנאך אנה
- יכון ענדה פמצי יום וצולה אליה סאעה ועאד
- תם בעד מדה אגתהד אלשיך אבו אלכרם בן
- מטרוח פי מגיה אליה ורגב אליה ותחאמל עליה
- באלדיאן וברסול מן ואלי אלבלד אלי אן מצא{!} אליה
- לילה סבת ולם יכן הנאך אלא הו ואלדיאן וולד
- מ' אברהם ליכנה כאן פי אלאעיאד ואלצום ואכתר
- אלסבות ענד מולאי אלמעולה ואמא גיר דלך
- פענד אלאגתמאע יקע אלתחדת בה אן שא אללה
- וחכימא ברמזא ומא כתבת הדין אלחרפין
- אלא ואנא פי אלבית לאזם ברמד לחקני אללה
- אלמסוול פי אלשפא ואנני למחתשם מן מולאי
- וסיידי ולד אלשיך אלאגל אבי אלמנא נע' אכוהא
- לעדר תעלמה אן אלי אלאן לם ידכל לי אחד בית
- ואנני למא ארדת אלאגתמאע במרנו ורבנו יהודה
- הלוי שצ' חמלת עשאיי לייליאת ומצית בת
- ענדה ואיצא אנני קצדת חסם מאדה מן
- יטלבה ללא יקאל לה קד כנת ענד פלאן ומא גית
- ענדי ואנא מתרקב וצול חצרתה אלמחרוסה
- עלי עדד אללחטאת לעל אן יקע אלאגתמאע
- בה בחצורהא וקד עגבת בטוהא ואן
- הדא אלצראע קד חאן לה אן ינקצי וענד
Right margin
חצרתה מן אלסדאד ואלתדביר מא יוגב אפצאל אלנוב אלכבאר פכיף הדה אללה סבחאנה יחמל ען קלבהא ויפרג כרבהא ואלדעוה משתרכה לאנני משארך לה פי אלסרא ואלצרא ואמא אלמולאי אלשיך אלאגל אבי אסחק אלנאיב אדאם אללה עזה פקד וצל תפצלה פי בעץ' אלקמח וכתבה אלוארדה אלי ענדי תתצמן וצול מא אועדת בה לעל אן תנעם בשכרה ען עבדהא ואמא אלחסאב פהו פי אלדכאן ואנא פי אלבית
T-S 13J19.17 1v
Verso
- ומא אעלם תחקיקה פאעלמהא בה ואכאף
- אן תבטו חצרתה ותעדם אלכליג' ותבקא
- אלחואיג מעאקה באלאסכנדריה ומא ענדי
- אנהא תבטו אן שא אללה אכתר מן דלך
- ואמא אליתים פלא תסאל מא אנא פיה מעה
- לאן וצלה כתאב אלשיך אלאגל אבי זכרי
- ידכר לה אן מא קבץ' אלא דון אלסתה ותלתין
- דינא' והו יעמל בי מא לא יעמל והו מעדור
- לאן כאן ביננא איאם קלאיל מצת אשהר
- ושיה מא חצל ואנא אעלם אן הדא מן
- גמלה אלאשיא אלתי תולם קלבהא ליכן אל
- אלצרורה תחוג' אלי אלשכוי אלי חצרתה למא
- אנא פיה מעה חצרתה אלאגלה מכדומה
- באפצל סלאם ואכרם תחיה ואלמאס
- ואלשיך אלאגל אבו עלי ומואליי אולאדה
- מכדומין ען עבדהם באפצל אלסלאם
- ואכוה עבדהא יכדמוה באפצל
- אלסלאם ואלשיך אלאגל אב {!} אסחק אברהים
- בן שבת יכדמהא באפצל אלסלאם
- ואלשיך אבו אלנגם חמוי יכדמהא באפצל
- סלאם וכדם חצרתה לא יכליני מנהא
- ותנעם בבסט אלעדר עלם אללה
- מא כתבתה אלא ואלכרקה מסבלה
- עלי עיני וחסבי אללה ונעם
- אלוכיל עאשר מרחשון
הערות
