Letter: T-S 16.296
Letter T-S 16.296What's in the PGP
- Image
- 1 Transcription
Description
The Nagid R. Yehoshuaʿ warns against disqualified kosher butchers. Middle of the 14th century.
Tags
Image
Transcription
Translation
Editor: Ashtor, Eliyahu
T-S 16.296 1r
Eliyahu Ashtor, History of the Jews in Egypt and Syria under the Rule of the Mamlūks (in Hebrew) (Jerusalem: Mossad Harav Kook, 1970), vol. 3.
- יברכם
- [אלמקי]מין במצר
- [נא]צר אלגואלי ביחרק
- שונאי ישראל מן אלאצל
- הם שנוא ותמעיר
- אנתבהו לאנפסכם ותזנו כל אחד גאליתה
- ואלמגרם אלדי נאבהם ותעלמו אן אחד מן
- ענדנא מא יגי אליכם ומא יגבי מנכם אלא
- אלעמאל ואלמקדם ואלצירפי אנתבהו וגהזו
- חאלכם מא עלי אחד עתב וקד אנדרנאכם
- ואמא אמר אלטבאכין תעלמו באן מא
- יגוז אן יטבך ללקהל אלא נאמן וכשר לאן
- קעאס עד אחד נאמן באיסורין מא יגוז
- מן יעמל עד אלא אדם נאמן ואנא כאן
- עלי וגה אלצפה יגוז אן יוכל מן ידה ואנא
- כאן נחס קלילה דון לא יגוז מן יעתבר בה
- ולא מן יאכל מן ידה שי וקד בלגנא אן ה[ו]לאי
- אלדי ביטבכו ענדכם תנאחסו וחללו אלשבת
- ותחדתו באלמסרות ואדא [גינא] מצר אכדנא
- אלביינה עלי כל ואחד במא חצל מנה ונאכד
- אלחק מנה ואלאן לא ימכן אחד מנהם יטבך
- ואדא טבך יכון תחת אלנדוי לא יאכל אחד
- מנהם שי יטבך אלא מן יכון רגל גייד ויגי[ב]
- כטוט אלגמאעה באנה יהודי גיד כשר יצלח
- אן יטבך ללקהל פאנתם אחתרזו עלי אנפסכם
- ועלי דינכם פאי מן כאן נחס אבעדוה לא
- תכלמוה ולא תעאמלוה לאן מן יכון רשע לא
- יגוז אלקרב מנה ויגב אלתבאעד מנה כק אלחק
- תע פי שריעתה אלטאהרה פי חק דתן ואבירם
- סורו נא מעל אהל האנשים הרשעים האלה
- ואיאך מן אלמכאלפה פי שי ממא דכרנאה
- אלחק תע יכון פי עזרכם ויעמר דיארכם
- ויגמע שמלכם ויגעל אלעאקבה לשלום
- ושלום
T-S 16.296 1v
