منحة في رسالة: T-S NS 155.76
رسالة T-S NS 155.76- الاقتباس المرجعي
- Alan Elbaum's digital edition (2023), available online through the Princeton Geniza Project at https://geniza.princeton.edu/documents/23706/.
- Relation to document
- Digital Edition
صورة
النصوص المفرّغة
الترجمة
Editor: Elbaum, Alan
T-S NS 155.76 1r
Alan Elbaum's digital edition (2023).
- בעד אדא אלממלוך אלחקוק אל . . . [
- ואגב אלמגלס אלכרים עמרה אללה באלעז וולא
- וחסן אלעאקבה אכרא וינהי אנה קד כתב
- תתקילה [[ואנמא]] ל . ל . . ה ב . ל . . אכתרה אחסאנה
- פאגראה אללה תע עלי גמיל עואידה אלכרימה
- אנה קד סיר צחבה אלפרנס אבו אלנגם תמאניה
- עשר כראס מן אלגזואין אלדי ענד אלממלוך
- וידכר אנה חצל לך צאיקה מן גהה שרא בעץ
- רקוק ללמעני אלדי כאן דכרה למולאנא והו
- ישתהי מן תפצל סידנא אן יסייר מן תמן
- הדה אלתמאניה עשר כמסה ועשרין דרהמא
- ורק לא גיר פאדא כמלת אן שא אללה אלגזואן אכד
- אלממלוך בקיה אלמבלג לאן לולא אשתגל
- אלממלוך בתחציל אלרקוק רבמא כאנו קד
- פרגו עלי ראש השנה וקד סייר אלממלוך
- צחבה אלכראריס אלמכתובה אלדי כאן אלממלוך
- קד דכר למולאנא פי אלורקה אלמתקדמה ואן
- כאן ימכן מולאנא תסיר אלגזאין אלדי הם מן
- סתה אגזא אלמתבקיה פיכון למולאנא [[קד תמם
- אחסאנה]] אלפצל פי דלך פאן אלממלוך מא יסיר
- ורקה לכדמה מולאנא אלא וקד יחצל לה שיה
Right margin:
- אנהא אלממלוך ושלום הדרתו
- הקדושה יגדל ואל ידל
T-S NS 155.76 1v
